"မြောက်ပိုင်းဒေသမှ အရိုးတွန်သံများ အပိုင်း(၉) ”(အောင်မိုးဝင်း)+ "ကြွေလွင့်ခဲ့သော ကြယ်ပွင့်များအား တိုင်တည်ခြင်း" (နန်းအောင်ထွေးကြည်)

"မြောက်ပိုင်းဒေသမှ အရိုးတွန်သံများ အပိုင်း(၉) ”(အောင်မိုးဝင်း) feb13,2012
"ကြွေလွင့်ခဲ့သော ကြယ်ပွင့်များအား တိုင်တည်ခြင်း" (နန်းအောင်ထွေးကြည်)
" ABSDF မြောက်ပိုင်းအရေးကိစ္စကို ဆန်းစစ်ခြင်း" (ထွန်းအောင်ကျော်)
"နန်းအောင်ထွေးကြည်ရဲ့ အစီရင်ခံစာ (၂)မှ ကောက်နုတ်ချက် တချို့” (ဟစ်တိုင်) 

အမှတ်တရ ကဏ္ဍ

"မြောက်ပိုင်းဒေသမှ အရိုးတွန်သံများ အပိုင်း(၉) ” (အောင်မိုးဝင်း) feb13,2012

(အမှာ)

မြောက်ပိုင်းဒေသ အရိုးတွန်သံများ ( ဆောင်းပါး-၇-) မှာ အစီရင်ခံစာ တင်သူတဦးဖြစ်တဲ့ ရဲဘော်ကျော်ခိုင်ဝင်းက အဲ့ဒီကာလတုံးက ကိုရီးယား နိုင်ငံမှာပါ။ အခုတော့ သူက ကချင်ပြည်နယ် မိုးညှင်းကို ပြန်ရောက်နေပါပြီ..တဲ့။၊ မြောက်ပိုင်းဒေသရဲ့ အစုလိုက်အပြုံလိုက် လူသတ်ပွဲအကြောင်းကို သိချင်ရင် သူ့ကို ဆက်သွယ်မေးမြန်းနိုင်ပါသတဲ့။ သူ့ရဲ့ ဖုံးနံပါတ်၊ ၀၉၄၉၃၀၁၈၀၁ ဖြင့်ဆက်သွယ်နိုင်ပါကြောင်း။

”ဆောင်းပါး ( အပိုင်း-၉-) ကို ဆက်လက်တင်ပြလိုက်ပါတယ်။”

"လူသတ်သမားများရဲ့ စိတ္တဇ ရောဂါ"

တရုတ်ပြည်ရဲ့ ဝရုန်းသုန်းကား ယဉ်ကျေးမှု တော်လှန်ရေးကို ဦးဆောင်ခဲ့သူ၊ လေးဦးဂိုဏ်းအဖွဲ့ခေါင်းဆောင်၊ (မော်စီတုံးရဲ့ မိန်းမ) Jiang Qing ကို ဖမ်းဆီးစစ်ဆေးတဲ့ တရားခွင်က စိတ်ပျက်စရာ အလွန်ကောင်းပါတယ်။ သူမ ရဲ့ ခက်ထန်ခေါင်းမာမှုကို နောက်ဆုံးချိန်ထိ အထင်အရှားတွေ့ခဲ့ရပါတယ်။ တရားရုံးမှာ သူမကြောင့် သေကြေပျက်စီးခဲ့သူတွေရဲ့ဆွေမျိုးသားချင်းတွေ၊ ပါတီဝင်တွေက မျက်ရည်နဲ့ပြောပြီး ရင်ဖွင့်နေစဉ်မှာတောင် ..သူမဟာ မထေ့မဲ့မြင် ငေါက်ငမ်း သရော်တော်တော် တုံ့ပြန်ခဲ့တယ်။ သူမရဲ့ ရာဇဝတ်မှုတွေကို မှန်ကန်တဲ့လုပ်ရပ်လို့ သူမ ကိုယ်တိုင်က ယုံကြည်နေပုံရပါတယ်။

တကယ်တော့ သူမဟာ ရုပ်ရှင်မင်းသမီး၊ ပြဇာတ်မင်းသမီးအဖြစ် ရှင်သန်ရပ်တည်ခဲ့တဲ့ အမျိုးသမီးတယောက်ဖြစ်တယ်၊။ မော်စီတုံး ကို ချဉ်းကပ်ပြီး နိုင်ငံရေးလောကမှာ ထင်ရှားလာတဲ့ ဇာတ်ကောင်တယောက်ဖြစ်လာခဲ့တယ်။ သူမရဲ့ ခက်ထန်မာကျောမှု့၊ ခေါင်းမာမှုတွေကို လူကြားထဲမှာ ဘယ်လိုပဲ ပြပြ၊ သူမတယောက်တည်း နေတဲ့အခါကျတော့ အထီးကျန်သိမ်ငယ်စိတ်တွေနဲ့ ခြောက်လှန့်နေတတ်ပါတယ်။ လူ့အဖွဲ့အစည်းက သူမကို လက်မခံတော့ဘူး ဆိုတာကို သူမ ကောင်းကောင်းသိပါတယ်။ ၁၉၉၁ မှာ ကျန်းမာရေးအခြေအနေကြောင့် ထောင်အပြင်ဆေးရုံကို တက် ကုသခွင့်ရခဲ့ပါတယ်။ ထောင်တွင်းကို ပြန်မရောက်တော့ပါဘူး။ သူမကိုယ်တိုင် သတ်သေပစ်လိုက်ပါတော့တယ်။

တကယ်တော့ တရုပ်ပြည် ရဲ့ ယဉ်ကျေးမှုတော်လှန်ရေး အဖြစ်အပျက်ရယ်၊ ၁၉၉၄ ရဝမ်ဒါမှာ ဖြစ်ပွားခဲ့တဲ့ လူမျိုးစုသုတ်သင် ရှင်းလင်းရေးတွေကို ကြည့်လိုက်မယ်ဆိုရင်... ဝရုန်းသုန်းကား လှုံ့ဆော်မှုတွေကြောင့် လူအုပ်ဟာ သွေးကြွလာပြီး၊ အုပ်စုတစု ကို အုပ်စုတစုက စွပ်စွဲသတ်ဖြတ်ခဲ့ကြတာပါ။ ဒီလိုမျိုးအဖြစ်အပျက်တွေကို Mob Psychology လို့ခေါ်ပါတယ်။

ဒါပေမယ့် မြောက်ပိုင်း ကိစ္စမှာ ဖြစ်ပွားခဲ့တဲ့ အစုလိုက်အပြုံလိုက် လူသတ်မှုကတော့ လူတွေကို သွေးအေးအေးနဲ့ လပေါင်းများစွာ ဖမ်းဆီးနှိပ်စက်၊ ခုတ်ထစ်သတ်ဖြတ်ခဲ့ခြင်းဖြစ်ပါတယ်။ မြောက်ပိုင်းဒေသမှာ ဖြစ်ပွားခဲ့တဲ့ အစုလိုက်အပြုံလိုက် လူသတ်ပွဲအကြောင်း ပြောကြတဲ့အခါ၊ လူသတ်မှုကို ကျူးလွန်ခဲ့သူတွေက သူတို့ကပဲ မှန်သယောင်ယောင် ပြောဆိုနေမှုတွေကို ကြားရတိုင်း၊ ယဉ်ကျေးမှုတော်လှန်ရေးရဲ့ အမှားတွေကို ဦးဆောင်ခဲ့သူ၊ Jiang Qing ရဲ့ ကိုယ့်ဘာသာ သတ်သေမှုတွေကို သတိရ ဖြစ်ပါတယ်။

"ရုပ်ရှင်ကားနှစ်ကား၊ ရွေးချယ်မှုနှစ်ခု "

အဖွဲ့အစည်းတွေဟာ ကိုယ့်သမိုင်းကို ဘယ်လိုအဆုံးသတ်မလဲ ဆိုတဲ့ မေးခွန်းကို စဉ်းစားနိုင်ဖို့အတွက် ရုပ်ရှင်ကားနှစ်ကားကို မိတ်ဆက်ပြီး သတိပေးချင်ပါတယ်။ တကားကတော့ ဗမာပရိသတ်တွေ ရင်းနှီးကျွမ်းဝင်ခဲ့တဲ့ “ ဝံပလွေများနှင့် ကခုန်ခြင်း” Dance with Wolves ဆိုတဲ့ရုပ်ရှင်ပါ။ လူဖြူတွေ အမေရိကားကို ကျူးကျော်သိမ်းပိုက်တဲ့ သမိုင်းနောက်ခံလေးတွေကို တင်ပြရင်း၊ ဒါရိုက်တာ “ကယ်ဗင်ကော်စနာ” က အဆိုးအကောင်း၊ ကျူးကျော်မှု နဲ့ တုန့်ပြန်မှု၊ အမှားနဲ့ အမှန်တွေကို ပွင့်ပွင့်လင်းလင်း ချပြတယ်။ ဒေသခံ အမေရိကန်တွေရဲ့ ပျက်စီးသွားတဲ့ဘဝတွေကို စာနာ နားလည်အောင် ရိုက်ပြခဲ့တယ်။ သူများတွေရဲ့ဘဝကို စာနာ နားလည်ရင်း၊ သမိုင်းအမှားတွေကို ဝန်ခံခဲ့တဲ့ကားမို့လည်း Dance with Wolves ဟာ ဆုအများကြီး ဆွတ်ခူးခဲ့ပါတယ်။

နောက်ရုပ်ရှင်ကားတကားကတော့ American History X “ အမေရိကန်သမိုင်း အိတ်(-က်)(-စ်) ဆိုတဲ့ ကားပါ။ Ku Klux Klan လို့ ခေါ်တဲ့ လူဖြူအစွန်းရောက် ကေသုံးလုံးတွေအကြောင်း ကြားဖူးမိကြပါလိမ့်မယ်။ လူဖြူတွေသည်သာ မြင့်မြတ်တယ် ဆိုတဲ့အယူအဆ နဲ့ အာဖရိကန် အမေရိကန်တွေကို နည်းပေါင်းစုံ သတ်ဖြတ်နှိပ်စက်ခဲ့တဲ့ ကေသုံးလုံးလူငယ်တယောက် ...အကျဉ်းထောင်ထဲကို ရောက်သွားတဲ့အချိန်မှာတော့၊ သူလေးစားခဲ့တဲ့ ကေသုံးလုံးခေါင်းဆောင်တွေဟာ မူးယစ်ဆေးဝါး၊ မကောင်းမှုမျိုးစုံနဲ့ ပတ်သက်နေတယ် ဆိုတာကို ထင်ထင်ရှားရှားသဘောပေါက်လိုက်တယ်။ ကိုယ်ကျင့်သိက္ခာကို တန်ဘိုးထားတဲ့သူဟာ ကေသုံးလုံးခေါင်းဆောင်တွေကို ရှောင်ဖယ် အန်တုလာတဲ့အခါ၊ သူ လေးစားခဲ့ဖူးတဲ့ ကေသုံးလုံးဂိုဏ်းတွေကပဲ သူ့ကို ဖိနှိပ်ရက်စက်တော့တယ်။ နောက်ဆုံး ယောက်ျားခြင်း အဓမ္မကျင့်ခံရသည်အထိ ခံခဲ့ရတယ်။ ထောင်ကလွတ်တော့ လူဖြူအစွန်းရောက်တွေ နဲ့ ပတ်သက်နေတဲ့ သူ့ညီကို၊ ထောင်အတွေ့အကြုံတွေပြောပြီး၊ ကေသုံးလုံးဂိုဏ်းတွေနဲ့ အဝေးဆုံးမှာ နေဖို့ သတိပေးခဲ့တယ်။ အားလုံးသိကြတဲ့အတိုင်းပါပဲ။ အမေရိကန်သမိုင်းကို သင်တဲ့အခါ၊ ကေသုံးလုံးတွေရဲ့ သမိုင်းကို အမွှန်းတင် ခြီးမြှောက် ပြောဆိုရဲတဲ့သူ မရှိပါဘူး။

ဒါကြောင့် ”ငါ့အဖွဲ့အစည်းမှ ငါ့အဖွဲ့အစည်း ” ဆို အော်ဟစ်၊ သူများတွေရဲ့ သမိုင်းကိုလည်း မလေးစား၊ မှားခဲ့တဲ့သူတွေဘက်က တိတ်တဆိတ် ရပ်တည်နေကြမယ် ဆိုရင်တော့ ကေသုံးလုံးတွေရဲ့ သမိုင်းဆိုးတွေလိုပဲ လူတွေရဲ့ နှုတ်ဖျားမှာ ကျန်ရစ်ခဲ့မှာ အမှန်ပါ။

ကျနော်ပြောခဲ့သလိုပဲ။ ကိုထွန်းအောင်ကျော်တို့ ကျဆုံးခြင်းအကြောင်းကို ဖေ့စ်ဘွတ်ခ်မှာရေး၊ အနှစ် (၂၀) အခမ်းအနားတွေ ကျင်းပပြီး မေ့လျော့သွားမယ် လို့ တွက်ထားရင်တော့ မှားသွားပါလိမ့်မယ်။ မုန်တိုင်းက ဆက်လက်တိုက်ခတ်နေမှာပါ။ အစုလိုက်အပြုံလိုက် လူသတ်မှုကြီး အပေါ်မှာ တာဝန်မဲ့၊ သတ္တိမဲ့၊ အရည်အချင်းမဲ့တဲ့ သူများရဲ့ အသည်းမာမှု၊ မသိကျိုးကျွံပြုမှုဆိုတာတွေဟာ တကယ်ဖြစ်နိုင်ပါ့မလား။ သူရဲဘောကြောင်စွာ တိတ်ဆိတ်နေတာကော မဖြစ်နိုင်ဘူးလား။ အနာဂတ်ကို စိတ်ဝင်စားပါတယ်။

"တရားခံများ၊ သက်သေများနှင့် ငရဲ၏ လားရာ "

မြောက်ပိုင်း ကျောင်းသားတပ်မတော်အတွင်းက အစုလိုက်အပြုံလိုက်လူသတ်မှုမှာ တာဝန်ရှိသူ ခေါင်းဆောင် (၃) ဦးကတော့ ”ရော်နယ်အောင်နိုင်၊ သံချောင်း ( ထောင်တွင်း) နဲ့ မျိုးဝင်း ( သေဆုံး)” တို့ဖြစ်ပြီး၊ စစ်ကြောရေးကို ဦးဆောင်ပြီး ခေါင်းဖြတ်မှုကို ကိုယ်တိုင်ကျူးလွန်ခဲ့တဲ့ ”လှဆိုင်း ( လက်ရှိ ABSDF မြောက်ပိုင်း) ၊ သန်းဇော် ”တို့ဖြစ်တယ် ဆိုတာ အားလုံးသိပြီးကြပြီးဖြစ်ပါတယ်။

ဆောင်းပါး (-၉-) မှာ ဆွေးနွေးတင်ပြချင်တဲ့ အကြောင်းအရာကတော့ ၁၉၉၂ ခုနှစ် မတ်လ (၁) ရက်နေ့မှာ ထုတ်ပြန်ခဲ့တဲ့ ကျောင်းသား တပ်မတော်ရဲ့ သတင်းထုတ်ပြန်မှုပဲ ဖြစ်ပါတယ်။
သတင်းထုတ်ပြန်မှုတွေက အင်္ဂလိပ်လိုတွေချည်းဖြစ်နေတော့ အောက်ခြေကျောင်းသားရဲဘော်တွေက ကောင်းကောင်းသိရှိခဲ့ဟန် မတူပါဘူး။
အင်္ဂလိပ်လို ထုတ်ပြန်ခဲ့တာလည်း အကြောင်းရှိပုံရပါတယ်။
မြောက်ပိုင်း ABSDF အစုလိုက်အပြုံလိုက် လူသတ်မှုဟာ နိုင်ငံတကာ အသိုင်းအဝိုင်းအတွင်းမှာ နာမည်ပျက်လာတော့ ABSDF ခေါင်းဆောင် တွေဟာ သူတို့အဖွဲ့အစည်းကို အဖတ်ဆည်ဖို့ ကြိုးစားခဲ့ပုံရပါတယ်။
ဒါပေမယ့် အဖတ်ဆယ်ဖို့ ကြိုးစားခါမှ သက်သေဖြစ်ခဲ့ရပြန်ပါတယ်။



” ကိုအောင်ထူး ( ယ္ခု - ရှေ့နေများကောင်စီ၊ BLC) လက်မှတ်နဲ့ အင်္ဂလိပ်လို ထုတ်ပြန်ထားတဲ့ သတင်းထုတ်ပြန်မှုကို အတတ်နိုင်ဆုံး ဆီလျော်အောင် ဘာသာပြန်ပေးထားပါတယ်။”

ABSDF ( ဘယ်ဘက်တွင် စည်းတံဆိပ်နှင့် ခွပ်ဒေါင်း)
ကျောင်းသားများ ဒီမိုကရက်တစ် တပ်ဦး
ဗဟိုကော်မတီ ( ဋ္ဌာနချုပ်)

ABSDF ( မြောက်ပိုင်းဒေသ) မှ ခိုင်လုံသော သက်သေများနှင့်တွဲထားသော အစီရင်ခံစာအရ၊ စစ်အစိုးရရဲ့ သူလျှို (၁၅) ယောက်ကို သတ်ဖြတ်ကွပ်မျက်ပစ်လိုက်ပါပြီ။

(၁) သတ်ဖြတ်ကွပ်မျက်ပစ်လိုက်တဲ့ ရန်သူ့သူလျှို (၁၅) ယောက်ဟာ အမျိုးသား ဒီမိုကရေစီအဖွဲ့ချုပ်ကို ဆက်သွယ်ခဲ့တဲ့ စစ်အစိုးရရဲ့ ထောက်လှမ်းရေး တိုက်ပိတ် (ခ) သန်းထွန်းစိုး ရဲ့ အပေါင်းအပါများဖြစ်ပါတယ်။ သန်းထွန်းစိုး ဆိုသူဟာ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည် နဲ့ ရင်းနှီးကျွမ်းဝင်အောင် လုပ်ပြီးနောက်- ကျောင်းသားတပ်မတော် (မြောက်ပိုင်း) ဆီသို့ ဝင်ရောက်လှုပ်ရှားခဲ့ပါတယ်။ နောက် မကြာခင်မှာ၊ စစ်အစိုးရ ( SLOC) ထံသို့ လက်နက်ချသယောင်ယောင် ဟန်ဆောင်ပြီး၊ ”ဒေါ်အောင်ဆန်းစုကြည်သည် ကျောင်းသားတပ်မတော် ( မြောက်ပိုင်း) နှင့် အမြဲမပြတ် ဆက်သွယ်လှုပ်ရှားနေသည် ” ဟု ထွက်ဆိုခဲ့ပါသည်။ စစ်အစိုးရရဲ့ စစ်ထောက်လှမ်းရေးဗျူရို ( MIS) နဲ့ အမျိုးသားထောက်လှမ်းရေးဗျူရို ( NIB) တို့ရဲ့ ညွှန်ကြားချက်အောက်မှာ၊ တိုက်ပိတ်(ခ) သန်းထွန်းစိုး နဲ့ အပေါင်းအပါ သူလျှို (၁၅) ယောက် တို့ဟာ “ ဒေါ်အောင်ဆန်းစုကြည် သည် လက်နက်ကိုင်သူပုန်များ နှင့် ဆက်သွယ်ခဲ့သည်” ဆိုတဲ့ ဇာတ်လမ်းအတုတခုကို ဖန်ဆင်းခဲ့ပါတယ်။ ဒီလိုဖန်တီးခြင်းအားဖြင့် သူမကို ရာဇဝတ်မှု ဥပဒေ နှင့် ဆက်နွယ်ဖမ်းဆီးနိုင်မှာဖြစ်ပါတယ်။

(၂) ၁၉၈၈ အရေးတော်ပုံ ကာလအတွင်း၊ စစ်အစိုးရရဲ့ ထောက်လှမ်းရေးတွေဟာ အပြစ်မဲ့ ပြည်သူတွေကို လုယက်ခြင်း၊ ရာဇဝတ်သားတွေကို ထောင်မှလွှတ်ပေးပြီး အစားအစာနဲ့သောက်ရေတွေထဲမှာ အဆိပ်ခတ်ခြင်း--- စတဲ့ အဖျက်အမှောင့် လုပ်ငန်းတွေ ကျူးလွန်အောင် လှုံ့ ဆော်ခဲ့ကြတယ်။ သူတို့ကို ဖမ်းဆီးမိပြီး ပြည်သူ့ခုံရုံးမှာ တင်တဲ့အခါ ကြားသိခဲ့ရပါတယ်။ သာမန်ပြည်သူတွေလိုပဲ ဝတ်စားဆင်ယဉ်ထားတဲ့ စစ်ထောက်လှမ်းရေးတွေဟာ၊ ဒေါသထွက်နေတဲ့ ပြည်သူလူထုကြီးကို ခေါင်းဖြတ်သတ်တဲ့ဖြစ်ရပ်တွေ ကျူးလွန်အောင် သွေးထိုးလှုံ့ဆော်ကြပြီး ၊ စစ်တပ်မှ အာဏာသိမ်းခွင့်ရေစေတဲ့ နည်းလမ်းတခုကို ဖန်တီးခဲ့ကြပါတယ်။ စစ်အာဏာသိမ်းပြီးတဲ့အခါမှာတော့ ဒေါ်အောင်ဆန်းစုကြည်ကို အပြစ်တင်ပြီး ဂုဏ်သိက္ခာပျက်ယွင်းအောင် ပြုလုပ်ခဲ့ကြပါတယ်။ ( အမျိုးသားခေါင်းဆောင်တယောက်ဖြစ်တဲ့ သူမအနေနဲ့ စစ်အာဏာမသိမ်းခင်နဲ့ စစ်အာဏာသိမ်းအပြီး ဖမ်းဆီးထိန်းသိမ်းခံရသူများအတွက် ဘာတခုမှ လုပ်ပေးလို့ မရတော့ပါဘူး) ။ ABSDF ( မြောက်ပိုင်း) မှာ ကွပ်မျက်သတ်ဖြတ်ခဲ့တဲ့ ရန်သူ့သူလျှို (၁၅) ယောက်ဟာ အဲ့ဒီထောက်လှမ်းရေးတွေရဲ့ တစိတ်တပိုင်းဖြစ်ပြီး---- ( ကြိုးစားဖတ်ပေမယ့် စာကြောင်းထဲမှာပါသော စာလုံးများ မရှင်းပါ။ သို့သော် အရေးမကြီးပါ။ စွပ်စွဲချက်တွေကို ခန့်မှန်းလို့ရပါသည်။)

(၃) မြောက်ပိုင်းကျောင်းသားတပ်မတော်ကို ဖြိုခွဲဖို့အတွက်၊ စစ်အစိုးရဟာ ရန်ကုန်ကျောင်းသား၊ မန္တလေးကျောင်းသား၊ -- စတဲ့ မတူကွဲပြားတဲ့ နယ်မြေအသီးသီးမှ ကျောင်းသားအုပ်စုတွေကို အုပ်စုခွဲစေလွှတ်ပြီး “ရေလှိုင်းစစ်ဆင်ရေး” ကို ဆင်နွှဲခဲ့ပါတယ်။မတူကွဲပြားတဲ့ အတွေးအခေါ်တွေနဲ့ ABSDF ခေါင်းဆောင်တွေရဲ့ နေထိုင်မှုပုံစံတွေကို မေးခွန်းထုတ် ဝေဖန်လာခဲ့ပါတယ်။
စစ်အစိုးရပြုလုပ်တဲ့ အမျိုးသားညီလာခံ မစတင်ခင်မှာ၊ ABSDF နဲ့ တိုင်းရင်းသားလက်နက်ကိုင်တွေကြားမှာ အထင်အမြင် လွဲမှားအောင် ဖန်တီးပြီး၊ ABSDF ရဲ့ ဂုဏ်သိက္ခာ နှိမ့်ဆင်းကာ လက်နက်ချ အညံ့ခံစေခြင်းများ ဖြစ်ပေါ်အောင် ဖန်တီးခဲ့ကြပါတယ်။

စစ်အစိုးရရဲ့ စီမံကိန်းအရ၊ အမျိုးသားညီလာခံကျင်းပနေချိန်အတွင်းမှာ လက်နက်မချတဲ့ ကျောင်းသားတွေကို လွတ်ငြိမ်း ချမ်းသာခွင့်ပေးမယ်။
ဒါဟာ ABSDF ကို ကွဲပြဲအောင်လုပ်မယ့် စစ်အစိုးရရဲ့ နိုင်ငံရေး အစီအစဉ်တရပ်ပဲဖြစ်ပါတယ်။

(၄) တခြားတဘက်မှာတော့၊ “ရေလှိုင်းစစ်ဆင်ရေး”အရ၊ ရှစ်လေးလုံး အရေးတော်ပုံ သုံးနှစ်ပြည့်မှာ၊ ရန်သူ့သူလျှိုတွေဟာ ကျောင်းသားခေါင်းဆောင်နဲ့ မဟာမိတ်တွေကို အဆိပ်ခတ်သတ်ဖို့ ကြိုးစားခဲ့ကြပါတယ်။
တချိန်တည်းမှာပဲ၊ ကွန်မန်ဒို လို့ ယူဆရတဲ့ သူတို့ထဲက တချို့ဟာ၊ ရေလှိုင်းစစ်ဆင်ရေးကို ဆင်နွှဲဖို့အတွက် အသေးစားလက်နက် (၁၅) လက်နဲ့ လက်နက်ခဲယမ်း မီးကျောက်တွေကို သယ်ဆောင်လာခဲ့ကြပါတယ်။ အဲ့ဒါတွေကိုလည်း သိမ်းဆည်းရခဲ့မိပါတယ်။

(၅) ဒါတွေဟာ စစ်ပွဲတခုအတွင်းမှာ ဖြစ်ပျက်ခဲ့တဲ့ အခြေအနေ ဆိုခဲ့ပေမယ့် စွပ်စွဲခံရသူတွေဟာ ခုခံကာကွယ်ပိုင်ခွင့် ရှိခဲ့ပါတယ်။
ရန်သူ့သူလျှိုတွေရဲ့အမှုကို တရားရုံးမှာ ကြားနာခဲ့ပါတယ်။ စွပ်စွဲခံရသူတွေအနေနဲ့ သူတို့ဟာ ရန်သူ့သူလျှိုတွေဖြစ်ကြောင်း၊ သူတို့ကို ကွပ်မျက် မသတ်ဖြတ်ခင်မှာ ရှင်းလင်းစွာ ဝန်ခံထွက်ဆို သက်သေခံခဲ့ပါတယ်။ ။

( ကိုအောင်ထူး လက်မှတ်)
အောင်ထူး
အတွင်းရေးမှူး (၁)
ဗဟိုကော်မတီ
ကျောင်းသားတပ်မတော် ( ABSDF) မတ်လ(၁) ရက်၊ ၁၉၉၂
----------------------------------------------------------------------------

ကိုအောင်ထူး ( ယ္ခု - ရှေ့နေများကောင်စီ၊ BLC)

ကျနော်ဗျာ- ၁၉၉၂ မတ်လ (၁) ရက်မှာ ထုတ်ဝေတဲ့ ကျောင်းသားတပ်မတော်ရဲ့ စတိတ်မန့်ကို ဖတ်ပြီး.. BLC က ကိုအောင်ထူး ကို အကြံပေးချင်ပါတယ်။ “ ခင်ဗျားဗျာ- တတ်နိုင်ရင် ရှေ့နေလုပ်မစားပါနဲ့။ ခင်ဗျား လိုက်တဲ့ အမှုက ရှုံးပြီး ခင်ဗျားလူ ထောင်ကျမှာစိုးလို့ပါ” လို့။ ဘာကြောင့် ကျနော် ဒီလိုအကြံပေးရပါသလဲ။ ခင်ဗျားတို့ပဲ ထုတ်ပြန်ကြေငြာချက်ကို သုံးသပ်ကြည့်ပေတော့။

ထုတ်ပြန်ချက်ထဲက နံပါတ်(၁) ကတော့ ထားလိုက်တော့။ ဒေါ်အောင်ဆန်းစုကြည်အပေါ် စေတနာထားပြီး စိုးရိမ်ရှာလို့ဖြစ်တာ လို့ နားလည်ပေးလို့ရပါတယ်။

အချက် (၂) ကိုကြည့်ဗျာ။ ၁၉၈၈ မှာ စစ်ထောက်လှမ်းရေးတွေဟာ ဒေါသထွက်နေတဲ့လူအုပ်ကြီးကို ခေါင်းဖြတ်သတ်ဖို့ လှုံ့ဆော်ခဲ့တယ် လို့ဆိုတယ်။


(ထောင်ကျနေတဲ့ သံချောင်း)


((အသစ်ပြန်ဖွဲ့တဲ့ မြောက်ပိုင်းအေဘီမှာ ပြန်ပါလာတဲ့ လဆိုင်း(ခ)လှဆိုင်း))

မြောက်ပိုင်းဒေသမှ အဲ့သလို၊ မိုက်မိုက်ရိုင်းရိုင်း ခေါင်းဖြတ်သတ်ခဲ့တာ ဘယ်သူတွေလဲ။
မျိုးဝင်း၊ သံချောင်း၊ လှဆိုင်၊ သန်းဇော် --- တို့တတွေလား၊

ကိုထွန်းအောင်ကျော်နဲ့ စွပ်စွဲခံရသူတွေလား။

ထုတ်ပြန်ချက်က ရှေ့နောက် မညီဘူးဖြစ်နေတယ်။
ထုတ်ပြန်ချက်ထဲက ဥပမာတွေကလည်း တက်တက်စင်အောင်လွဲနေတယ်။
ကိုထွန်းအောင်ကျော် ဆိုတာ ဗကသ ( အထက်ဗမာပြည်) ခေါင်းဆောင်တယောက်ဖြစ်တယ် ဆိုတဲ့ သမိုင်းကို မသိခဲ့ကြတာလား။

သိသိချည်းနဲ့ ခေါင်းဖြတ်သတ်ခဲ့ကြတာလား။ ခက်တော့နေပြီ။
သမိုင်းနားမလည်ဘဲနဲ့ အဖွဲ့အစည်းခေါင်းဆောင်လုပ်တော့၊ ပေါက်လွှတ် ပဲစားပဲ ဖြစ်တော့မှာပေါ့။

အချက် (၃) ကို ဆန်းစစ်ကြည့်ပါ။
မြောက်ပိုင်းကျောင်းသားတပ်မတော် ခေါင်းဆောင်တွေဟာ ရေဘင်မျက်မှန်တွေတပ်ပြီး မာဖီးယား ခေါင်းဆောင်တွေလို နေခဲ့ကြတယ်လို့ ဆိုတယ်။
ရဲဘော်တွေက ငပိ နဲ့ စားနေရချိန်မှာ ခေါင်းဆောင်တွေက လခယူ၊ ကိုယ်ဆုပ်လက်နှယ်ပြုစု ပေးမယ့် တပည့်တပန်းတွေ ထား ခိုင်းစားကြတာပါ။
ဒါကို မြင်နေတဲ့ ရဲဘော်တွေမှာ ဝေဖန်ပိုင်ခွင့် မရှိဘူးလား။

ဒေါ်ချိုချိုကျော်ငြိမ်းရဲ့ မွေးစားသား လို့ လူသိများတဲ့ မောင်မောင်ကြွယ် ဆို ..အဲ့သလို အခွင့်ထူးခံ ခေါင်းဆောင်တွေကို ဆန့်ကျင်လေ့ရှိလို့ ၊ သူ့ကို မျိုးဝင်းက ညှိုးခဲ့တာလို့ သိရတယ်။

ကျနော်ကတော့ ခေါင်းဆောင်တွေ ခြစား အကျင့်ပျက်တာ ယုံတယ်။
ထိုင်းနယ်စပ်နဲ့ မဲဆောက်မှာလည်း ဒီအတိုင်းပဲလေ။
လူတွေကို အခွင့်အရေးပေး၊ ငွေပေးပြီး ပျက်စီးအောင်လုပ်၊ အပြစ်ကျူးလွန်သူခြင်း ကျောခြင်းကပ်ထားတဲ့ အစုတ်ပဲ့ဆုံး နိုင်ငံရေးကို ပြပါဆိုရင် မဲဆောက်၊ ချင်းမိုင် နိုင်ငံရေးပါပဲ။

သူတို့နဲ့ သန်းရွှေ ရဲ့ စစ်အစိုးရ အကျင့်စရိုက်တွေဟာ သူမသာ ၊ ကိုယ်အသုဘ ပါပဲ။

အချက် (၄) ကတော့ ကာယကံရှင်တွေကိုသာ မေးကြည့်ပါတော့။ နှိပ်စက်စစ်မေးတုံးက မရခဲ့တဲ့ အဆိပ်တွေ၊ လက်နက်တွေကို ကိုယ့်ဘာသာ ဘယ်ကရှာပြီး သတင်းစာ ရှင်းလင်းပွဲလုပ်လည်း မသိပါဘူး.. တဲ့။

ကဲ-- ကိုအောင်ထူး နဲ့ ၁၉၉၂ ကျောင်းသားတပ်မတော် ( ဗဟိုဋ္ဌာနချုပ်) ခေါင်းဆောင်များကို အတိတ်ရဲ့ စဉ်းစားစရာများကို တွေးစေပြီး ၊ ဆောင်းပါး (-၉-) ကို နိဂုံးချုပ်ပါရစေ။

ကိုထွန်းအောင်ကျော် နှင့် ကျဆုံးခဲ့သော ကျောင်းသားတပ်မတော် ( မြောက်ပိုင်း) ရဲဘော်များ ကောင်းရာသုဂတိလားပါစေ။
မတရားသဖြင့် နှိပ်စက်စော်ကားသူများလည်း မသန့်ရှင်းသော ဝိညာဉ်တွေမှ ဆေးကြောသန့်စင် လွတ်မြောက်နိုင်ကြပါစေ။
အမှန်တရား ပေါ်ထွန်းပါစေ။

(အောင်မိုးဝင်း)

--------------------------------------------------------------------------

"ကြွေလွင့်ခဲ့သော ကြယ်ပွင့်များအား တိုင်တည်ခြင်း" (နန်းအောင်ထွေးကြည်)

(၁၉၉၂ ဖေဖေါ်ဝါရီလ ၁၂ ရက် (ပြည်ထောင်စုနေ.) တွင် ABSDF (NB) တွင် ရက်စက်စွာ ညှင်းဆဲ သတ်ဖြတ်ခံခဲ့ရသော ကိုထွန်းအောင်ကျော်နှင့် ရဲဘော်များအား ရည်စုး၍-)

ကိုကြီးရေ ...

ဒီနေ.နှစ် ၂၀ ပြည့်ခဲ့ပြီ ။ မငယ် တစ်နေ့ မှ မေ့မရပါဘူး၊ ကိုကြီးနဲ. ဂီတအကြောင်းတွေ ပြောခဲ့ပြီး အတူ တီးခဲ့ ဆိုခဲ့ကြတာတွေကို သတိရနေဆဲပါ။ ဂစ်တာတီးပြီး ”ကြွေရဲသောကြယ်များ” သီချင်း ဆိုမိတိုင်း မငယ် ငိုခဲ့မိတာကြောင့် ဂစ်တာ မကိုင်ဖြစ်တာ.. Australia ရောက်ကထဲကပါ။

မှတ်မိသေးတယ်။

ကိုကြီး မငယ်ကို ဘဏ္ဍာရေး သင်တန်းတက်ခိုင်းတော့ မငယ်ကို တီးတိုးပြောခဲ့တယ်။ ”မငယ်..မင်းငါ့ကို မျက်နှာငယ်အောင် မလုပ်နဲ.နော်။ KIA ကြားမှာ ကျောင်းသားတပ် သိက္ခာတက်အောင်လုပ်။” မငယ်ကလည်း“ဟုတ်ကဲ့ ” လို့ဆိုခဲ့တယ် ။ မိဘလက်ထက်မှာ ၁၀ တန်းကို အောင်ဖို. အကြိမ်ကြိမ် ဖြေဆိုလာခဲ့တဲ့ မငယ်ဟာ၊ ကိုကြီးကို ကြည့်ပြီး..”အင်းပါ”လို့ ပြောခဲ့တယ်။ မငယ် ကတိတည်ပါတယ်နော်။ အဲဒီသင်တန်းမှာ မငယ် ဆုရခဲ့တယ်လေ။ ကိုကြီးက မငယ်ကို ပြုံးကြည့်ပြီး ပြောတယ်။ ”ဂုဏ်ယူတယ်” တဲ့။ ယူနီဖေါင်းတောင် အသစ်တစုံ ရလိုက်သေးတယ်။

မှတ်မိသေးတယ်။

ABSDF (NB) ရဲ. မိုင်းဖေါက်ခွဲရေး သင်တန်းကို မငယ်ကို တက်ရောက်သင်စေဖို. ရွေးချယ်ခဲ့ပြန်တယ်။ ”မင်းက စိတ်ငြိမ်ပြီး အာရုံစူးစိုက်မှု ရှိတယ်။ အန္တရာယ်ကြီးတဲ့ သင်တန်း။ ဒါပေမယ့် မင်းကို ယုံကြည်တယ်။ ကေါင်းကေါင်းသင်..” တဲ့ ။ မငယ်လဲ ကေါင်းကေါင်း သင်ယူခဲ့ပါတယ်။ သူများထောင်တဲ့မိုင်းကို မငယ် ကျော်နိုင်ခဲ့ပေမယ့် ..မငယ်ထောင်တဲ့မိုင်းကို မောင်မောင်ကြွယ် ထိသွားလို. ပြစ်ဒဏ်အနေနဲ. အရိုက်ခံလိုက်ရသေးတယ်။ အဲဒီ ဖေါက်ခွဲရေး သင်တန်းနောက်ဆုံးနေ.မှာပဲ မငယ် အဖမ်းခံခဲ့ရတယ်လေ။

မှတ်မိသေးတယ်။

မငယ်တို.အားလုံး အဖမ်းခံရပြီး Ronald အောင်နိုင်နဲ. မျိုးဝင်းတို. အဆိပ်တွေ ထုတ်ခိုင်းတာ ဘယ်သူမှ မထုတ်ပေးနိုင်တော့ မငယ်တို.ကို လက်ဖြတ်ဖို.လုပ်တဲ့နေ.လေ၊ မငယ်တို.အားလုံးရဲ.လက်မှာ ယမ်းပျော့တွေ ချည်ထားပြီး၊ ရော်နယ်အောင်နိုင်တို.က သူတို.လိုချင်တာတွေ ထုတ်မပေးရ ကေါင်းလား ဆိုပြီး ၊ ကိုကျော်ဝေ လက်ကို မိုင်းခွဲပြီး ဖြတ်ခဲ့တယ်။ကိုကြီး၊ ကိုရဲလင်းနဲ. မငယ်တို.အားလုံး တောင်းပန်ကြတော့မှ ၊ နောက်ထပ် အချိန်တပတ် ခွင့်ပေးပြီး ၊ မငယ်တို.ကို ဆွေးနွေးတိုင်ပင်ခိုင်းတဲ့နေ.လေ၊ အဲဒီနေ.ဟာ ဒီနေ.အတွက် သမိုင်းဝင်မယ့်နေ.တစ်နေ. ဖြစ်မှန်းမသိ ဖြစ်ခဲ့ရတယ် ကိုကြီး။၊ ဆွေးနွေးပွဲမှာ အဓိပ္ပါယ်မရှိတဲ့ ကိစ္စတွေကို တစ်ယေါက်တစ်ပေါက် ပြောဆိုနေကြပေမယ့်.. အားလုံးဟာ တစ်ယေါက်ကို တစ်ယေါက်ကြည့်ပြီး ”ငါလဲ မင်းလိုပဲ ” ဆိုတဲ့ အသိနဲ. ”အော်.. ဒုက္ခ ဒုက္ခ ၊ ဘယ်လိုမှ အဖြေရှာ မရ ” ဖြစ်နေချိန်မှာ ကိုကြီးက မငယ်နား ရောက်လာပြီး.. မငယ်ကို လက္ခဏာ တောင်းကြည့်တယ်လေ၊ အဲဒီမှာ ကတိဆိုတာ ဖြစ်ခဲ့တာပေ့ါ၊

မှတ်မိသေးတယ်။

ကိုကြီးကပြောတယ်။” မငယ်..မင်းမသေနိုင်ဘူး။ မင်းလွတ်သွားလိမ့်မယ်။ မင်းမှာ ဥပစ္ဆေဒက ကံ မပါဘူး။ မင်းလက္ခဏာမှာ ထူးခြားချက်ရှိတယ် ။တစ်နေ့..မင်း ငါတို့အားလုံးရဲ့သမိုင်းကို ပြောပေးနော်..တဲ့ ။ မငယ်က ...”ကိုကြီး...အခုလက်မှာ မိုင်းချည်ထားတဲ့ သူတွေကို ကြည့်လိုက် ၊ အားလုံးအသတ်ခံရမယ့်သူတွေ ။ မငယ်လည်း သေမှာပဲ ” ဆိုတော့ ”မင်း..သစ္စာဆိုပါ..”တဲ့ ။ အသုံးမကျတဲ့ ကျမ ...ဘုရားမှာ သစ္စာ မဆိုတတ်လို့ ..”မငယ်..ပါဠိလို မသိဘူး.” ဆိုတော့ ကိုကြီးက ပြုံးပြီး ...”မလိုဘူးလေ ..ကိုယ်ဟုတ်ရင် ဟုတ်တယ် ။ မဟုတ်ရင် မဟုတ်ဘူးပေါ့..”တဲ့ ။ ”ဘုရားကို တိုင်တည်ပါ ”တဲ့ ...ဆိုတော့ မငယ်လည်း ..”ဟုတ်ကဲ့..ကိုကြီး”လို. ကတိပေးမိ ပြန်တယ်နော်။ ကိုကြီးရေ ...တကယ်ပဲ၊ မငယ် သေဒဏ်ထဲမှာ ပါခဲ့ပေမယ့် ..နောက်ဆုံးစက္ကန်.မှာ မငယ်လွတ်ခဲ့တယ်၊ မငယ်ကို သတ်ဖို.တောင် ဆွဲထူပြီးပြီ၊

ကိုကြီးရေ ....

အချိန်ကာလ နှစ်၂၀ အထိ စောင့်စားခဲ့ရတာ ခွင့်လွှတ်ပါ။ နိုင်ငံရေးကို ပြန်ကြည့်တော့ ဒေါ်စုလဲ မလွတ်သေး။ ၈၈ခေါင်းဆောင်များနဲ. နိုင်ငံရေးသမားများလည်း အထဲမှာ အကျဉ်းချခံနေရဆဲ၊ မငယ်တို.လို ထောက်လှမ်းရေးလို. အစွပ်စွဲခံပြီး အနှိပ်စက်ခံထား၇တဲ့ ..ကိုရဲလင်း၊ ဘိုဘို၊ ထိန်လင်း၊ မိုးကြီး၊ ရာပြည့် ..စသော မြောက်ပိုင်းမှ ကျောင်းသားများလည်း စစ်အစိုးရကို ဆန်.ကျင်မှုနဲ. ထောင်ဒဏ် ၇ နှစ်နဲ. အနှစ် ၂၀ ချခံထားခဲ့၇တယ်။ သူတို.မျက်နှာတွေကို ထောက်ရှူ.ပြီး မငယ် မြိုသိပ်ထားခဲ့ရတာပါ။

”လွတ်လပ်တဲ့ တိုင်းပြည်မှာ နေနေရပြီး ငါ့စိတ်တွေ အကျဉ်းကျနေတယ် ဟာ.” လို. ထိန်လင်း အင်္ဂလန်ရောက်ခါစက မငယ် သူ.ကို ဖွင့်ပြောခဲ့တယ်၊ ကတိပေးထားပြီး အကေါင်အထည် မဖေါ်ဖြစ်လို. တခါတရံ အိပ်မက်ဆိုး မက်တယ်၊ အိပ်မက်မက်ပြီးတိုင်း ငိုရလို. တညလုံး မအိပ်နိုင်ပဲ မိုးလင်းခဲ့ရတဲ့ ညတွေ အများကြီး ရှိခဲ့တယ် ကိုကြီး။

ကိုကြီးရေ ....

ရောက်ရာနေရာက ကြည့်လိုက်ပါနော်၊ ABSDF (NB) ကျောင်းသားများ ပြုလုပ်တဲ့ပွဲကို ကိုမင်းကိုနိုင်နဲ. ကျောင်းသားခေါင်းဆောင်တွေ တက်ရောက်ဆုတောင်း အမျှဝေခဲ့ကြပြီး၊ ကိုကြီးရဲ. အထက်မြန်မာပြည်ဗကသ မျိုးဆက်သစ်တွေနဲ. မြောက်ပိုင်းကျောင်းသားဟောင်းတွေ လက်တွဲပြီး ပြည်တွင်းမှာ အမှန်တရားအတွက် တိုက်ပွဲဝင်နေကြပြီ။ ပြည်ပမှ မကဒတရဲဘော်ဟောင်းတွေနဲ. ပြည်တွင်းမှ မိဘပြည်သူတွေလည်း ၀မ်းနည်းစွာဖြင့် ဆုတောင်းမှုတွေ ပြုနေကြပြီ။

ကိုကြီးရေ ....

မပြီးဆုံးသေးပါဘူး၊ ပြီးဆုံးတဲ့နေ.အထိ မငယ်တို.အားလုံး ပူးပေါင်းဆောင်ရွက်သွားမယ်လို. ကတိ ထပ်ပေးလိုက်ပါတယ်။

ကိုကြီးတို.အတွက် ကုသိုလ်ပြု အမျှဝေသံကြားရင် သာဓုခေါ်ကြပါ။

ကိုကြီးထွန်းအောင်ကျော်နှင့်တကွ ABSDF မြောက်ပိုင်းတွင် ကျဆုံးခဲ့သောသူများ ကေါင်းရာသုဂတိလားကြပါစေ။
ဝိဉာဉ်များ လွတ်မြောက်ကြပါစေ။
ဘ၀ဆက်တိုင်း ဒီလိုအဖြစ်ဆိုးမျိုး စနစ်ဆိုးမျိုးနဲ. မကြုံတွေ.ရပါစေနဲ. လို့ ဆုတောင်းမေတ္တာပေးပို့လျှက်-

နန်းအောင်ထွေးကြည် ( မငယ်)

-----------------------------------------------------------------------

" ABSDF မြောက်ပိုင်း အရေးကိစ္စကို ဆန်းစစ်ခြင်း။ "(ထွန်းအောင်ကျော်)

ABSDF မြောက်ပိုင်းတွင်ဗဟိုဥက္ကဌကိုထွန်းအောင်ကျော်အပါအဝင်အဖွဲ့ဝင်၃၀ ကျော်ကိုညှင်းပန်းနှိပ်စက်ပြီး လူ မဆန်စွာ သတ်ဖြတ်ခဲ့ကြသည့် အပြင်လူ ၇၀ ကျော် ကိုရက်ရှည်လများနှိပ်စက်ညှင်းပန်းခဲ့ကြသည့် အဓိက တရားခံ မြောက်ပိုင်းခေါင်းဆောင်များဖြစ်သော ရော်နယ်အောင်နိုင်(ထိုင်း)၊ မျိုးဝင်း (သေဆုံး)၊ သံချောင်း (ထောင်တွင်း) တို့နှင့် တောင်ပိုင်းဗဟို မှ မြောက်ပိုင်း သတ်ဖြတ်မှုကိုလုံးဝတာဝန် ယူသဘောတူခဲ့သည့် ဥက္ကဌ ဒေါက်တာနိုင်အောင်နှင့် ဦးဆောင်ဗဟိုကော်မီတီဝင် များဖြစ်သော ဗဟိုရောက်မြောက်ပိုင်း ကိုယ်စားလှယ် ကိုလှဌေး (ယခုအိန္ဒိယ အေဘီဦးစီး)နှင့်နိုင်အောင် ဖက်ဗဟို ကော်မီတီဝင်များ အနေနှင့်တာဝန်ယူ ဖြေရှင်းရမည် မှာသာဓကထင်းရှားစွာရှိနေပေသည်။

လက်ရှိကိုသံခဲဦးဆောင်နေသောABSDF ဗဟိုကော်မီတီကို ၊ မန္တလေးတွင်ပြု လုပ်မည်ဖြစ်သောအောင်းမေ့ ဘွယ် အခန်းအနားသို့၊ ဝမ်းနည်း ကြောင်သဝဏ်လွှာ အချိန်မှီပို့ပေးရန် တိုက်တွန်းခဲ့သော်လည်း လက်ရှိ ဗဟိုခေါင်းဆောင်များမှ မပို့ပေးဘဲ နေခဲ့ကြသည်၊
အေဘီဗဟိုကော်မီတီထဲတွင်မြောက်ပိုင်းကိစ္စသည် အကြီးအကျယ် မှားယွင်းမှု ဖြစ်သည်ကို လက်ခံကြသူများ ရှိသော်လည်းအဓိက အာဏာချုပ်ကိုင်ထားသူ တချို့က ဒေါက်တာ နိုင်အောင်ဖက် ခြမ်းဗဟိုတွင် သဘောတူပါဝင် ဆုံးဖြတ်ခဲ့ကြသူများ ဖြစ်ခဲ့သဖြင့် မိမိတို့မှားမှန်း သိလျက်လုပ် သင့်သည်ကိုမလုပ် ဘဲအမှားကိုပြင်ရန်သတ္တိမရှိဘဲ မြောက်ပိုင်းကိစ္စ္စကိုမြေမြုပ်သဂြိုင်္ရန် ဆိတ်ဆိတ်နေခဲ့ကြသည်ကို တွေ့ရသည်မှာ ဝမ်းနည်းစရာဖြစ်သည် ။

ကျွနုပ်အနေနှင့်မကဒတကိုသမိုင်းမညစ်စေချင်သည့်စေတနာဖြင့်တိုက်တွန်း ခဲ့သော်ငြားလည်း လက်ရှိမကဒတ ခေါင်းဆောင် တချို့၏ ဒေါက်တာ နိုင်အောင်၏ စားကြွင်း စားကျန်များ စားထားသည့် အပင်းမှ ရုန်းမထွက်နိုင်ဘဲ ကိုယ်ပါ ရောပါမည့် ဘေးမှလွတ်ရန်၊ ကိုနိုင်အောင် မညိုညင်စေရန် မန္တလေး အထိမ်းအမှတ်ပွဲကိုစာ ထုတ်ပြန် ပေးရေး မလုပ်ဘဲ ပျက်ကွက်ခဲ့ကြလေသည်။

မြောက်ပိုင်းကိစ္စကိုဆန်းစစ်လျှင်-
၁။ မြောက်ပိုင်းခေါင်းဆောင်အမည်ခံရာဇဝတ်ကောင်များဖြစ်သော ရော်နယ်အောင်နိုင်၊ မျိုးဝင်း၊ သံချောင်း တို့သည်တရားခံများ၊ တာဝန်အရှိဆုံးသူများဖြစ်ကြောင်းမီးမောင်းထိုးပြထားသည်။

၂။ နိုင်အောင်ဗဟိုမှထုတ်သည့်စာတွင်အတိအလင်းမြောက်ပိုင်း လုပ်ရပ်ကိုထောက်ခံ အတည့်ပြု ထားခဲ့ပြီး၊ အတွင်းရေးမှူး ကိုအောင်ထူးမှ ထိုသူများသည် သူလျှိများဖြစ်ကြောင်း လုံးဝတာဝန်ယူကြောင်း လက်မှတ်ရေး ထုတ် ပြန်ခဲ့သည်။

၃။ ထို့အပြင်ဒေါက်တာနိုင်အောင်ကိုသန်းဝင်းကိုပေးပို့သည့်အီးမေးတွင်ကိုမိုးသီးကနှစ်ခြမ်းမကွဲခင်သူလျှိများကို သတ်မိန့်ပေးခဲ့သည့်အထောက်အထားရှိသည်ဟုဆိုသည်။

(က) သို့ရာတွင်ယနေ့အထိထိုအထောက်အထားကို၊ ကိုနိုင်အောင်မှထုတ်ပြန်ပေးခြင်းမရှိချေ။

(ခ) မြောက်ပိုင်းလုပ်ကြံသတ်ဖြတ်မှုသည်မိုးသီး-နိုင်အောင်နှစ်ခြမ်းကွဲသည့်အချိန် အထိ မဖြစ်သေး၊ နှစ်ခြမ်းကွဲစဉ်၊ မြောက်ပိုင်း ကိုယ်စားလှယ် ကိုလှဌေးက မြောက်ပိုင်းသည် ကိုနိုင်အောင်ဖက်ခြမ်းတွင် ပြတ်ပြတ်သားသား ရပ်တည်ကြောင်း ကြေငြာပြီး ကိုနိုင်အောင်တို့ဖက်သို့ ပူးပေါင်းသွား ခဲ့သည်။

(ဂ) ကိုနိုင်အောင်မြောက်ပိုင်းသို့ကချင်ကျော်ကျော်တို့နှင့်သွားရောက်ြ့ပီးမြောက်ပိုင်းထောက်ခံမှုကိုရယူအောင်ပွဲ ခံခဲ့သည့် အချိန်အထိ၊ မြောက်ပိုင်း တွင်လူသတ်မှု မဖြစ်သေး။

(ဃ) ကိုနိုင်အောင်ကိုယ်တိုင်ကိုယ်ကျအကျဉ်းသားများကိုစစ်ဆေးပြီးတချို့ကိုကိုယ်ထိ လက်ရောက် ရိုက်နှက် စစ်ဆေးသွားခဲ့သည် ကိုလွတ်လာ သူများ၏ တိကျခိုင်လုံသော ထွက်ချက်ရှိနေခဲ့သည်။

(င) ကိုနိုင်အောင်တို့နှင့်တူပါလာသောကချင်ကျော်ကျော်က ၊ကိုနိုင်အောင်တို့ ပြန်သည့်အခါ ကချင်တွင် ကျန်ခဲ့ပြီး သေဒါဏ် ကျခံရသူများထဲတွင် ပါဝင်နေသည့် နန်းခင်ထွေးကြည်ကို သေဒါဏ်ချမှတ်ထားခြင်း အပေါ် အပြင်းအထန် ကန့်ကွက်ခဲ့သဖြင့် နန်းခင်ထွေးကြည် သေဒါဏ်မှ လက်မတင်လေး လွတ်မြောက်သွားခဲ့ရပြီး အဖြစ်မှန်များကို ထုတ်ဖေါ်ခွင့်ရခဲ့ခြင်း ဖြစ်သဖြင့် ကချင်ကျော်ကျော်ကို ကျေးဇူးတင် ရပေသည်။

(စ) မြောက်ပိုင်းကိစ္စနှင့်ပတ်သက်၍ ကိုမိုးသီးဖက်ခြမ်းမှလူ့အခွင့်အရေး ချိုးဖေါက်မှု ဖြစ်ကြောင်း ဗြောင်စာထုတ် ခဲ့ခြင်းသက်သေ ခိုင်လုံစွာရှိနေခဲ့သည်ကို အားလုံး သိရှိဖတ်ရှုပြီးဖြစ်သည်။
ထိုကြောင့်မိုးသီးဖက်ခြမ်းသည်မြောက် ပိုင်းလူသတ်မှုနှင့်မပတ်သက်ကြောင်းသိနိုင်သည်။

ကျွနုပ်သည် ကိုနိုင်အောင်အုပ်စု၊ ကိုမိုးသီးအုပ်စု ဘယ်အုပ်စုကိုမှဘက်လိုက်မည်မဟုတ်၊
ကျွနုပ်စိတ်ဝင်စား သည်မှာ ကိုယ်စတင်၍နေ့မအိပ်ညမအိပ်ပျိုးထောင် ပေးခဲ့သောမကဒတ ကျောင်းသား တပ်မတော်ကြီးကိုခုတုံး လုပ်ခါ ကိုယ်နေရာ ရရေး၊
အာဏာရရေးတို့ကို အဆင်ချင်တုံတရားမရှိဘဲသွေးစွန်းထင်း စေခဲ့သူများကိုဖေါ်ထုတ် ပြီးအရေးယူနိုင်ရေး၊
အနာဂါတ်မြန်မာ့နိုင်ငံရေးတွင်ဝင်မရှုပ်နိုင်ရေးတို့ကိုသာရည်ရွယ်ပါသည်။
ဘယ်သူ့ကိုသာစေဘယ်သူ့ကိုနာစေမရှိပါ။

ရန်ကုန်တွင်မြောက်ပိုင်းအောင်းမေ့ခြင်းအခမ်းအနားသို့မင်းကိုနိုင်တို့၈၈မျိုးဆက်များတက်ရောက် အားပေးခဲ့သလို၊ ဖေဖေါ်ဝါရီ ၁၂ ရက် မန္တလေးတွင်ပြုလုပ်သော အခမ်းအနားသို့ ကိုမြအေးနှင့် ၈၈မျိုးဆက်များ တကူးတက တက်ရောက်ပြီးကိုမြအေးမှ “ ကိုထွန်းအောင်ကျော်နဲ့ ကိုမောင်မောင်ကြွယ် တို့ဟာ ကျောင်းသားတွေဖြစ်တယ် ဆို တာကျွန်တော့အသက်နဲ့ထပ်ပြီးအာမခံရဲပါတယ်” လို့ပြောတာကိုကြည့်ရင် မြောက်ပိုင်းကိစ္စဟာ ကျောင်းသားတွေ ကသူလျှိုတွေကို သတ်တာ မဟုတ်ဘဲ၊ သူလျှိုတွေအာဏာရူးတွေက ကျောင်းသားတွေကိုသတ်တာ လိုဖြစ်နေတာ ကိုတွေ့ရမှာဖြစ်တယ်။

လက်ရှိABSDF ဗဟိုမှာမသန်ရှင်းတဲ့သူတွေပါနေတယ်၊ မြောက်ပိုင်းအောင်းမေ့ဘွယ် အထိမ်းအမှတ်ပွဲကို ဝမ်းနည်းကြောင်း သဝဏ်လွှာပို့ရမှာ ကိုလက်တွန့်နေတဲ့ ဗဟိုကော်မီတီဟာအမဲစက် စွန်းနေတာကို ဆေးကြောဘို့မ လုပ်ဘဲနွံ့ထဲကို ထပ်နှစ်လိုက်သလို ခံစားရတယ်၊
အောက်ခြေရဲဘော်တွေကိုမကြည့်ဘဲ၊ ငါတို့လုပ်ချင်တာလုပ် မယ်ဘယ်သူ့မှဂရုမစိုက်ဘူး၊
အဖွဲ့အစည်းနံမည်ပျက်ချင်ပျက်ပစေ၊ ငါတို့မှားခဲ့တာ၊ငါ့ဆရာတွေမှားခဲ့တာမပေါ် အောင်ဖုံးမယ်ဆိုတဲ့ တပါးကျွန်စိတ်ဓါတ်ဟာ မဆလ၊ နဝတ တပ်တွေမှာရှိသလို ဒီမိုကရေစီရေး တိုက်ပွဲဝင်နေ တယ်ဆိုတဲ့ မကဒတထဲမှာလဲ ရှိနေတာဝမ်းနည်းစွာ တွေ့နေရပြီ။

ဒါကြောင့်မကဒတကနေမြောက်ပိုင်းကိစ္စကို စုံ စမ်းဘို့ကော်မီရှင်ဖွဲ့တယ်ဆိုတာလဲ၊
ဒေါသထွက်နေတဲ့ပြည်သူတွေကိုခေတ္တငြိမ်ဆေးများကြွေးပြီးနှစ်သိမ့်လိုက် သလားလို့သံသယရှိတယ်။

တချို့က ABSDF ကိုတိုက်ခိုက်ဘို့မြောက်ပိုင်းကိစ္စကိုဘန်းပြနေတာ၊ ABSDF ကိုဖျက်သိမ်းဖို့တောင် ပြောလာကြ ပြီဆိုပြီး ညာသံပေး ဒီလိုဖေါ်ထုတ်မှုကို မလိုလားအပ်ဘူး၊ အချိန်မကျသေးဘူး ဆိုပြီး၊ ABSDF နဲ့ အဖြစ်မှန်ဖေါ်ထုတ် ရေးကို ရင်နာလွန်းလို့ ကြိုးစားနေတဲ့သူတွေနဲ့ လှည့်ရန်တိုက်ပေးဘို့ အကွက်ဆင် လာကြတယ်။

အဲဒီလိုအော်နေ ကြသူတွေကိုကြည့်လိုက်တော့ကိုနိုင်အောင့်တပည့်တပန်းတွေ ဖြစ်နေတာကို တွေ့ရတော့ သိပ်မအံ့သြမိပါဘူး

အဖွဲ့နဲ့ပေးအပ် ထားတဲ့အာဏာကိုအလွဲသုံးစားလုပ်ပြီးပြစ်မှု ကျူးလွန်သူတွေကို ဖေါ်ထုတ်နေတဲ့သူတယောက် အနေနဲ့တခု အာမခံနိုင် တာက ငါဟာABSDF ကိုပျက်အောင် လုပ်နေတာမဟုတ်ဘူး၊
ကိုယ့်ရဲ့ဥာဏ်စွမ်းရှိသမျှ နဲ့တတ်နိုင်သမျှ ကြိုးစားကာကွယ်ပေးနေတာဖြစ်တယ်၊
လက်ရှိဗဟိုကော်မီတီရဲ့ဦးဆောင်မှုမကောင်း ရင် ငါတို့ဘယ်လောက် အားပေးအားပေးပျက်မှာဘဲ၊
ဗဟိုအနေနဲ့အမှန်တရားကိုကြောခိုင်း၊ ပြည်သူတွေရဲဘော် တွေရဲ့လိုလားချက်တွေ ကိုမျက်ကွယ်ပြု၊ လုပ်သင့်တာကိုသတ္တိရှိရှိမလုပ်ဘဲ တွေဝေနေရင် ပြည်သူက ကြောခိုင်း တာကိုခံရမှာဘဲ။

ABSDF ဗဟိုမှာသဝဏ်လွှာပို့ဘို့ကိစ္စကိုဘာကြောင့်မလုပ်တာလဲ? ဘယ်သူ့မှာတာဝန်ရှိလဲ? သိရရင်သိပ်ကောင်းမယ်၊
အခုသမိုင်းဆေးတဲ့အချိန်ရောက်ပြီ၊ ဘယ်သူကသန့်ရှင်းကြောင်းစစ်တမ်းထုတ်ဖို့လိုပြီ။

(ထွန်းအောင်ကျော်-USA)

----------------------------------------------------------------

"နန်းအောင်ထွေးကြည်ရဲ့ အစီရင်ခံစာ (၂) မှ ကောက်နုတ်ချက်တချို့ ပြန်လည် ဖော်ပြလိုက်ပါတယ်။"(ဟစ်တိုင်)

”၁၉၉၂ ဖေဖေါ်ဝါရီ (၁၂) ရက်နေ့တွင် သေဒဏ်ချပြီး ရက်စက်စွာ သတ်ဖြတ်ခံ ရသည့် (၁၅) ဦး”

(၁) ရဲမေ ခင်ချိုဦး ( ရန်ကုန်) -
(အသတ်မခံရခင် ကိုယ်တုံးလုံးချွတ်ပြီး ABSDF ( မြောက်ပိုင်း) ရဲဘော်များအား ဖျော်ဖြေခဲ့ရ-) သူမ၏ တောင်းဆိုမှုအရ သံချောင်းမှ သေနတ်ဖြင့် ပစ်သတ်ခဲ့သည်။

(၂) တပ်ကြပ် ဋ္ဌေးမြင့်ဝင်း( ရန်ကုန်)
( တောင်းဆိုမှုအရ သံချောင်းမှ သေနပ်ဖြင့် ပစ်သတ်ခဲ့။ အသတ်မခံရခင် မျိုးဝင်းမှ ”မင်းဘာတတ်နိုင်သေးလဲ ” ဟု အငြိုးတကြီး ကြိမ်းမောင်းခဲ့ ။)

(၃) ရဲဘော်မောင်မောင်ကြွယ် (ရန်ကုန်) ( ခေါင်းဖြတ်သတ်ခံခဲ့ရ)

(၄) ရဲဘော်သက်နိုင် ( ရန်ကုန်) ( ခေါင်းဖြတ်သတ်ခံခဲ့ရ)

(၅) ဗိုလ်သာဓု (ရန်ကုန်) (ခေါင်းဖြတ်သတ်ခံခဲ့ရ)

(၆) ရဲဘော် အောင်ဖိုး ( ရန်ကုန်)
( သေဒဏ်မချခင် ခြေထောက်တွင် မိုင်းချည်ပြီး မိုင်းခွဲခြေဖြတ်ခြင်း ခံခဲ့ရ)

(၇) ဥက္ကဋ္ဌ ထွန်းအောင်ကျော် ( မန္တလေး) ( ခေါင်းဖြတ်သတ်ခံခဲ့ရ)

(၈) ရဲဘော်ရန်အောင်( မန္တလေး) ( ခေါင်းဖြတ်သတ်ခံခဲ့ရ)

(၉) ကိုချိုကြီး ( မန္တလေး) ( ခေါင်းဖြတ်သတ်ခံခဲ့ရ)

(၁၀) ကိုလှမြင့် ( မန္တလေး) ( ခေါင်းဖြတ်သတ်ခံခဲ့ရ)

(၁၁) ရဲဘော်မောင်မောင် ( ကသာ) ( ခေါင်းဖြတ်သတ်ခံခဲ့ရ)

၁၂) ရဲဘော် အေးမြင့်( ကသာ ) ( ခေါင်းဖြတ်သတ်ခံခဲ့ရ)

၁၃) ရဲဘော် ကျော်ကျော်မင်း ( မုံရွာ ) ( ခေါင်းဖြတ်သတ်ခံခဲ့ရ)

(၁၄) တပ်ကြပ်ကြီး သောင်းမြင့် ( စစ်ကိုင်းတိုင်း ) ( ခေါင်းဖြတ်သတ်ခံခဲ့ရ)

(၁၅) တပ်ကြပ်ကြီး တူးတူး ( မြစ်ကြီးနား) ( ခေါင်းဖြတ်သတ်ခံခဲ့ရ)

အထက်ပါ (၁၅) ဦးတွင်- မခင်ချိုဦးနှင့် ဋ္ဌေးမြင့်ဝင်းမှာ မိမိ (နန်းအောင်ထွေးကြည်)နှင့်အတူ အမျိုးသား ဒီမိုကရေစီအဖွဲ့ချုပ်ရုံးတွင် လုပ်အားပေးခဲ့ပြီး- ABSDF ( ကချင်ပြည်နယ်) သို့ ရောက်ရှိခဲ့ပြီး ၁၉၈၉ ခုနှစ်၊ မေလ စစ်သင်တန်း အမှတ်စဉ် (၃) ကို တက်ရောက်ခဲ့သည်။

သူတို့နှစ်ဦး၏ တောင်းဆိုချက်အရ သံချောင်း မှ သေနပ်ဖြင့် ပစ်သတ်ခဲ့သည်။

ကျန် (၁၃) ဦးမှာ ရက်စက်စွာ ခေါင်းဖြတ် သတ်ခံခဲ့ရသည်။ ခေါင်းဖြတ်သတ်ခြင်းကို “မျိုးဝင်း” နှင့် “လှဆိုင်း” တို့ နှစ်ဦးမှ ပြုလုပ်ခဲ့သည်။

လှဆိုင်းမှာ ယ္ခုအခါ ABSDF ( မြောက်ပိုင်း) တွင် ပြန်လည်ပါဝင်လုပ်ကိုင်နေကြောင်းသိရသည်။

”ကြေငြာခြင်းမရှိဘဲ ရက်စက်စွာ သတ်ဖြတ်ခြင်း ခံခဲ့ရသူ (၅) ဦး။”

(၁) ကိုကျော်ဝေ ( မန္တလေး) –

စစ်ကြောရေးကာလတွင် အဆိပ်နှင့်လက်နက်များထုတ်မပေးနိုင်သောကြောင့် လက်ကို မိုင်းခွဲဖြတ်ခြင်းခံခဲ့ရသည်။
ဒုတိယအကြိမ် အဆိပ်ထုတ်မပေးနိုင်သဖြင့် ဦးခေါင်းကို ထင်းတုံးပေါ်တင်ပြီး “မျိုးဝင်း” မှ ခေါင်းဖြတ်သတ်ခဲ့သည်။

(၂) စိုးဝင်းသန်း ( မန္တလေး)

၁၉၉၂ ဖေဖေါ်ဝါရီလ ၁၉ ရက်နေ့ညတွင် တပ်သား တရုတ်ကြီး ၏ လွဲမှားသော သတင်းပေးမှုကြောင့် သတ်ဖြတ်ခြင်းခံရသည်။ ဖြစ်ရပ်မှာ- စိုးဝင်းသန်း မှာ နာမကျန်းဖြစ်ပြီး KIA ဆေးရုံတွင် ဆေးကုသ ခံယူရသည်။ KIA မှ-” စိုးဝင်းသန်း နာမကျန်းမှု ပျောက်ကင်းပြီဖြစ်ကြောင်း” ဆက်သွယ်ရေးဆက်နှင့်အကြောင်းကြားမှုကို ၊ သတင်းလက်ခံသော တရုတ်ကြီးမှာ “ စိုးဝင်းသန်း ပျောက်ဆုံးနေသည် ” ဟု သန်းဇော်မှ တဆင့် မျိုးဝင်းထံ သတင်းပို့ခဲ့သည်။

မျိုးဝင်းတို့က အုပ်စု (၂) စုခွဲကာ ”တွေ့သည့်နေရာ ခုတ်သတ်ဖို့ ”အမိန့်ပေးခဲ့သည်။ အုပ်စု တစုမှာ- တရုပ်ပြည်လမ်းကြောင်းကို သွားပြီး၊ တစုမှာ KIA ဆေးရုံသို့သွားကာ ”မည်သို့မည်ပုံ စိုးဝင်းသန်း ပျောက်ဆုံးကြောင်း” သတင်းရယူသည်။

သို့သော် စိုးဝင်းသန်း မှာ ထွက်ပြေးခြင်း မဟုတ်ဘဲ ရောဂါပျောက်ကင်းသဖြင့်- ABSDF ကျောင်းသားများ လာခေါ်မည်ကို စောင့်ဆိုင်းနေသည်။

သို့သော်လည်း- မျိုးဝင်းမှ “ ငါ သေဒဏ်ချခဲ့ပြီး ဖြစ်တဲ့အတွက် ၊ တခါတည်း လူသတ်ကုန်းပေါ် ခုတ်သတ်လိုက်တော့ ..” ဟု ပြောရာ၊ ထိုအမိန့်ကို နာခံပြီး၊ သန်းဇော် တို့အုပ်စုက “ စိုးဝင်းသန်း” ကို သတ်ဖြတ်ခဲ့သည်။

(ထိုဖြစ်စဉ်ကို မိမိတို့ အတိအကျ သိရှိနေရခြင်းမှာ- ထိုနေ့ည ( ဖေဖေါ်ဝါရီ ၁၉) ရက်နေ့ တွင် မျိုးဝင်းနှင့်အောင်နိုင် တို့မှ မိမိအပါအဝင်၊ ဘိုဘို ( ရန်ကုန်)၊ ဝဏဇော် ( ရန်ကုန်)၊ ရဲလင်း ( ရန်ကုန်)၊ ညီညီအောင် ( ပဲခူး)၊ ကျော်နိုင်ဦး (သာယာဝတီ)၊ ကိုညီညီ ( မန္တလေး)၊ စုစုပေါင်း (၇) ဦးအား မိဘများထံ-” မိမိတို့မှာ ထောက်လှမ်းရေးသူလျှိုများဖြစ်ပြီး ကျောင်းသားတပ်မတော်၏ ဖမ်းဆီးခြင်းခံနေရပါသည်။ သို့သော် မိမိတို့အား လာရောက်ခေါ်ဆောင်ပါက၊ ကျောင်းသားတပ်မတော်မှ သဘောထားကြီးစွာဖြင့် မိမိတို့အား အချုပ်မှ လွတ်မြောက်ပြီး၊ အိမ်သို့ ပြန်လည် ထွက်ခွာခွင့်ပြုမည်”ဟု ကတိပေးသဖြင့် ၊ မိမိတို့ (၇) ဦး၊ မိဘများထံ စာရေးဆက်သွယ်ရသော နေ့၊ အချိန်ဖြစ်နေပါသည်။)

(၃) ဝင်းနောင် ( ရန်ကုန်)

၁၉၉၂ ဧပြီလဆန်းပိုင်းခန့်က ဗန်းမော်ခရိုင်တွင် သတ်ဖြတ်ခံခဲ့ရသည်။

(၄) ရန်ရှင်း

( ရက်စက်စွာ နှိပ်စက်ပြီး ခုတ်ထစ် သတ်ဖြတ်ခြင်းခံခဲ့ရသည်။)

(၅) ဦးကျော်ကျော်အုန်း ( ခရိုင်မှူး)

( ရှေ့တန်းတွင် လူမဆန်စွာ ညှင်းပမ်းနှိပ်စက်ခံခဲ့ရသည်။)

”လူမဆန်သည့် ညှင်းပန်းနှိပ်စက်မှုကြောင့် သေဆုံးခဲ့တဲ့ ကျောင်းသားတပ်မတော်ရဲဘော် (၁၄) ဦး”

(၁) ရဲဘော် စိုးမင်းအောင်

(၂) ဗဟိုကော်မတီဝင် ဦးစိန် ( ရန်ကုန်)

(၃) ရဲဘော် ပြည့်စိုးနိုင် ( ရန်ကုန်)

(၄) ရဲဘော် အေးကျော်

(၅) ရဲဘော် ကျော်ဋ္ဌေး

(၆) ရဲဘော်ကျော်ကျော်ဦး

(၇) ဒုအရာခံဗိုလ် အောင်ကိုး ( ဗန်းမော်)

(၈) တပ်ကြပ်ကြီး ဇော်ဝင်းချစ် (ဗန်းမော်)

(၉) ဗဟိုကော်မတီဝင် ခင်မောင်အေး (စစ်ကိုင်း)

(၁၀) ရဲဘော်တင့်လွင် ( မြစ်ကြီးနား)

(၁၁) အောင်မင်း ( မန္တလေး)

(၁၂) အရှည်ကြီး ဝင်းသိန်း

(၁၃) ရဲဘော် စိုးကြီး

(၁၄) ရာကွတ်ဘိုင် ( တရုပ်ပြည်၊ ယင်ကျန်း)

”စစ်ကြောရေးကာလတွင် ထွက်ပြေးလွတ်မြောက်သွားသူ (၄) ဦး။”

( ၁) ညီညီကျော် ( မန္တလေး)

(၂) ရဲဘော် သက်တင် ( ဗန်းမော်)

(၃) ဂမ်လီ ( လဇွန် ဂမ်လီ)

(၄) စိုးကြိုင်

မျိုးဝင်း ၏ အမိန့်အရ ထောင်မှ လွတ်ခဲ့သူ (၃) ဦး။

( ၁ ) တပ်ကြပ်ကြီး ခင်မောင်ဇော် ( မန္တလေး ) ဗဟို စစ်ရုံးတာဝန်ခံ

(၂) ရဲဘော် မိုးဇော်ထွန်း (ခ) မိုးကြီး ( ရန်ကုန်)

(၃) ရဲမေ သင်းသင်းညီ ( ရန်ကုန်)

ဥက္ကဋ္ဌ အောင်နိုင် နှင့် VCs မျိုးဝင်းတို့၏ သဘောအရ ၊ ၁၉.၂. ၁၉၉၂ တွင် မိဘများထံ စာရေးခေါ်သောကြောင့် ၊ မိဘများ ABSDF( မြောက်ပိုင်း) သို့ ရောက်ရှိလာခဲ့ကြသည်။ ထိုစဉ်က မိမိတို့အား -”မိဘများ လာရောက်ခေါ်ဆောင်ပါက အိမ်ပြန်ခွင့်ပေးမည့် ” ကတိကို ABSDF(NB) ခေါင်းဆောင်များက ကတိဖျက်ခဲ့ပြီး” မိမိတို့ အိမ်ပြန်လိုပါက ပြန်နိုင်သည်။ သို့သော် မိဘများအားတောတွင်း တွင် ခေါ်ဆောင်ထားမည် ” ဟု အကြပ်ကိုင်သဖြင့် မိမိတို့မှာ လာရောက်ခေါ်ဆောင်သည့် မိဘများအား “အမေတို့အိမ်ပြန်ကြပါ။ မိမိတို့ ကျောင်းသားတပ်မတော်မှာပင် ဆက်လက်နေထိုင်သွားမည် ”ဟု ပြောခဲ့ပါသည်။

ထိုအခါ မိမိ၏ မိခင်မှာ မြေပေါ်တွင် ဒူးနှစ်ဘက် စုံထောက်ပြီး လက်အုပ်မိုးကာ ကျောင်းသားခေါင်းဆောင်များအား ရှိခိုး ငိုယိုတောင်းပန်ကာ- ”မိမိတို့ (၇)ဦးအား သနားသဖြင့် အချုပ်မှ လွှတ်ပေးရန် ”ပြောဆို ပန်ကြားခဲ့ပါသည်။ မိမိတို့၏ အသနားခံမှု နှင့် အချုပ်မှ လွှတ်မြောက်ခဲ့သူ (၇) ဦးမှာ-

(၁) ရဲမေ နန်းအောင်ထွေးကြည် ( ရန်ကုန်)

(၂) ရဲဘော် ဝဏ္ဏဇော် ( ရန်ကုန်)

(၃) ခရိုင်မှူး ရဲလင်း (ရန်ကုန်) ( စစ်အစိုးရမှ ထောင်ဒဏ် ၇ နှစ်ချမှတ်ခဲ့သည်။)

(၄) ရဲဘော် မိုးကျော်သူ (ခ) ဘိုဘို ( ရန်ကုန်) ( စစ်အစိုးရမှ ထောင်ဒစ် ၂၁ နှစ် ချမှတ်ခဲ့သည်။)

(၅) ရဲဘော် ညီညီအောင် (ခ) ဒိုဇာ ( ပဲခူး)

(၆) ကိုညီညီ ( မန္တလေး)

(၇) ရဲဘော်ကျော်နိုင်ဦး (ခ) ကြောင် ( သာယာဝတီ)

မိမိတို့ (၇) ဦး ထောင်မှ လွတ်လာပြီး မကြာမီ -ထောင်အတွင်းတွင် ကျန်ရှိနေသော ကျောင်းသား (၅၆) ဦး ထောင်ဖောက် ထွက်ပြေး လွတ်မြောက်သွားကြသည်။ ထို ညတွင်းချင်းပင် မိမိတို့ (၇) ဦး နှင့် ခင်မောင်ဇော်၊ မိုးကြီး တို့အား ဒုတိယအကြိမ် ပြန်လည်ဖမ်းဆီးခဲ့သည်။ အကျဉ်းသား (၅၆) ဦး ထောင်ဖောက်ပြေးမှု နှင့် ပတ်သက်ပြီး၊ ထိုစဉ်က တာဝန်ကျခဲ့သော ထောင်မှူး လှမျိုးအောင် အပါအဝင်၊ ကျောင်းသား (၃) ဦးအား တာဝန်ပေါ့လျော့မှု နှင့် သတ်ဖြတ်ပစ်ခဲ့သည်။

ABSDF (NB) ရှိ တပ်ရင်း (၇၀၁)၊ (၅၀၁) နှင့် (၄၀၁) တွင် အင်အားစုစုပေါင်း (၂၀၀) မျှသာ ကျန်တော့သည်။ မတရားဖမ်းဆီးပြီး အစုလိုက်အပြုံလိုက် သတ်ဖြတ်ခြင်းများကြောင့် ပြည်တွင်း ပံ့ပိုးမှုများ ရပ်ဆိုင်းခဲ့ပြီး၊ မည်သူမှလည်း ပူးပေါင်းလာခြင်း မရှိတော့ပါ။

တပ်ရင်းများအတွက် လူအင်အားဖြည့်ဆီးရန် လိုအပ်လာသဖြင့် ထိုအချိန်ကာလ ABSDF ( မြောက်ပိုင်း) ဥက္ကဋ္ဌ ရာထူးကို တိုးမြှင့်ရယူလိုက်သော အောင်နိုင် ( ယ္ခု - ချင်းမိုင် တွင် သတင်းသမား လုပ်နေသူ)၊ သံချောင်းတို့၏ သဘောတူညီမှု၊ ဦးဆောင်ဆုံးဖြတ်မှုများဖြင့်၊ ကျေးလက်တောရွာများတွင် နေထိုင်ကြသော ငယ်ရွယ်သူများကို လက်နက်ပြ ခြိမ်းခြောက်ပြီး ABSDF ( မြောက်ပိုင်း) မှ ပို့ချသော စစ်သင်တန်းတက်ရောက်ခိုင်းပြီး ကျောင်းသားရဲဘော် ရဲမေ များ အဖြစ် မတရားသိမ်းသွင်း တာဝန်ထမ်းဆောင်စေခဲ့သည်။

မှတ်မိသလောက်ဆိုလျှင်- ၁၉၉၂ ဇွန်လ ပိုင်းလောက်ခန့်လောက်ဖြစ်နိုင်သည်။ ထောက်ဖောက်ပြေးသော အကျဉ်းကျ ကျောင်းသားများ ( ၂၁.၅.၉၂) နောက်ပိုင်း၊ မျိုးဝင်း တိုက်ပွဲကျခဲ့သည်။ ( ၁၉၉၂ မေလ)။

နောက်ပိုင်းတွင် လက်ရှိ ထိုင်းနိုင်ငံတွင် သတင်းထောက်လုပ်နေသူ၊ အောင်နိုင် နှင့် မြင့်စိုး (ခ) သံချောင်းတို့၏ ဦးဆောင်မှုဖြင့် ကချင်ပြည်နယ် ဗန်းမော်ခရိုင်၊ မန်နောင် ကျေးရွာနှင့် မြို့လှ၊ သာယာကုန်းရွာတို့တွင် ဝမ်းစာရှာ စားသောက်နေသော အရပ်သား လူငယ်လူရွယ်များအား လက်နက်ပြ ဖမ်းဆီးပြီး ABSDF ( မြောက်ပိုင်း) ကျောင်းသားတပ်မတော်၏ အင်အားအဖြစ် ဖြည့်ဆည်းခဲ့သည်။ စစ်သင်တန်း အမှတ်စဉ် (၈) နှင့် အမှတ်စဉ် (၉) ဖွင့်လှစ်ပြီး သင်တန်းပေးခဲ့သည်။

(နန်းအောင်ထွေးကြည်ရဲ့ အစီရင်ခံစာ (၂) မှ ကောက်နုတ်ချက်တချို့ ဖြစ်ပါတယ်။) (ဟစ်တိုင်)