"ကချင်ပြည်နယ်
ပါဂျောင်ဒေသတွင် ကျဆုံးခဲ့ရသော ကျောင်းသားခေါင်းဆောင်
ကိုထွန်းအောင်ကျော်နဲ့တကွ ရဲဘော်ရဲဘက်များ၏ နှစ်(၂၀)မြောက်နေ့သို့
ဖိတ်ကြားစာများနှင့် ပေးပို့သော သ၀ဏ်လွှာ"
"မြောက်ပိုင်းဒေသမှ အရိုးတွန်သံများ ( အပိုင်း ၇+၈) (အောင်မိုးဝင်း )"feb5,12
"မြောက်ပိုင်းကျောင်းသားတပ်မတော်တွင်
ဖမ်းဆီးခံရသော သူလျှိုများနှင့်ပတ်သက်ပြီး ကျောင်းသားတပ်မတော်
ဥက္ကဌ(ဒေါက်တာနိုင်အောင်)၏ ၁၉၉၂ခုနှစ် တွင် ပြုလုပ်သော သတင်းစာ ရှင်းလင်းပွဲ
(Dr .Naing Aung.1992)"
"မြန်မာစစ်ထောက်လှမ်းရေးဟု
အစွပ်စွဲခံရသော (၁၅) ဦးကို သတ်ဖြတ်မှုနှင့် ပတ်သက်ပြီး- ABSDF မှ
သဘောထားထုတ်ပြန် ကြေငြာချက်(ABSDF led by Moe Thee Zune.1992)"
အမှတ်တရ ကဏ္ဍ
”ကချင်ပြည်နယ်
ပါဂျောင်ဒေသတွင် ကျဆုံးခဲ့ရသော ကျောင်းသားခေါင်းဆောင်
ကိုထွန်းအောင်ကျော်နဲ့တကွ ရဲဘော်ရဲဘက်များ၏ နှစ်(၂၀)မြောက်နေ့သို့
ဖိတ်ကြားစာများ”
ရန်ကုန်မှာ ၂နေရာ+မန်းလေး+အင်္ဂလန်+အမေရိက တို့မှာ ကျင်းပကြမယ့် အောက်မေ့ဖွယ် အခမ်းအနားသို့ တက်ရောက်ကြပါရန် ဖိတ်ကြားခြင်း။
”ရန်ကုန်၊အလုံမြို့နယ်မှာ ၂လပိုင်း ၁၀ရက်နေ့ သောကြာနေ့မှာ ကျင်းပမယ့် ဖိတ်စာ။ ”
----------------------------------------------------------------------------
”ဖေဖော်ဝါရီ၁၃ရက် တနင်္လာနေ့မှာ ၊ရန်ကုန်-ဗဟန်းမြို့နယ်မှာ ကျင်းပကြမယ့် ဖိတ်စာ။”
"အေဘီမြောက်ပိုင်းတွင် လုပ်ကြံခံရသူ ကျောင်းသား၊ လူငယ်များ ရည်စူးသည့်
ရန်ကုန်မြို့၊ ပဏ္ဏိတာရာမ ရွှေတောင်ကုန်းရိပ်သာ ဆွမ်းကျွေးပွဲဖိတ်စာ"
ABSDF မြောက်ပိုင်းမှာ တပ်ဖွဲ့ဝင် အချင်းချင်း မတရား ဖမ်းဆီး နှိပ်စက်
သတ်ဖြတ်ခံခဲ့ရတဲ့ အပြစ်မဲ့ ကျောင်းသား ကိုထွန်းအောင်ကျော်
(Mandalay)နှင့်တကွ အကြွေစောခဲ့ရှာသော ကျောင်းသားအားလုံးကို ရည်စူးပြီး
ရေစက်ချ ကုသိုလ်ပွဲကို February 13, 2012 မှာ ပဏ္ဍိတာရာမ ရွှေတောင်ကုန်း
သာသနာ့ ရိပ်သာ၊ အမှတ်- ၈၀(က) သံလွင်လမ်း၊ ရွှေဂုံတိုင်၊ ဗဟန်းမြို့နယ်မှာ
ကျင်းပမှာ ဖြစ်ပါတယ်၊ ကျဆုံးသွားသူတို့အတွက် ထိုက်တန်တဲ့ ကုသိုလ်ပြု
အမျှပေး ဆုတောင်းပွဲ ဖြစ်ပါတယ်။
ပြည်တွင်းနိုင်ငံရေး အခြေအနေများကြောင့် ABSDF (north camp ) မှာ ၁၉၉၂
ခုနှစ်က ကျဆုံး (မတရား စွပ်စွဲ သတ်ဖြတ်ခံရ) သွားသူတို့အတွက် သူတို့၏
မိဘများဆွေမျိုးများသည် သူတို့၏သားသမီးများအတွက် လွတ်လပ်စွာ အမျှဝေ
ကုသိုလ်လုပ်ခွင့် မရခဲ့ရှာပါ။ ဗုဒ္ဓဘာသာ အစဉ်အလာအရ ကျဆုံးသွားသော သူများကို
စိတ်ဝယ်ထားပြီး အမျှဝေ ကုသိုလ်ကေါင်းမှု ပြုလုပ်ခြင်းသည် မွန်မြတ်သောအလုပ်
ဖြစ်ပါသည်။
ကျဆုံးသွားသော ကျောင်းသားများသည် နှစ် ၂၀ ကြာခဲ့ပြီဖြစ်သော်လည်း သူတို့၏
သတ္တိ၊ ရပ်တည်မှုနှင့် ဂုဏ်သိက္ခာတို့ အတွက် ထိုက်တန်စွာ ဂုဏ်ပြုနိုင်ရန်
အလို့ငှာ (၀ိပဿနာတရားကို နေ့နေ့ညည ကျင့်ကြံအားထုတ်နေသော သူတော်စင်
ယောဂိများ၏ တရားစခန်းတွင်) ကျဆုံးသွားသူများအား ရည်ရွယ်၍ ဆွမ်းကျွေးအမျှဝေ
ဆုတောင်းပွဲ ပြုလုပ်မည်ဖြစ်ပါသဖြင့် မပျက်မကွက် တက်ရောက်ကြပါရန်
ဖိတ်ကြားအပ်ပါသည်။
Date: ဖေဖေါ်ဝါရီလ ၁၃ ရက်၊ တနင်္လာနေ့ မနက် ၁၁ နာရီ၊
Time: 11 AM ဆွမ်းကျွေး၊ 12:15 PM အမျှဝေ
- Place: ပဏ္ဍိတာရာမ ရွှေတောင်ကုန်း သာသနာ့ ရိပ်သာ (ရွေတောင်ကြား)၊ အမှတ်-၈၀ (က)၊ သံလွင်လမ်း၊ ရွှေဂုံတိုင်၊ ဗဟန်းမြို့နယ်။
ဆက်သွယ်ရန် ဖုန်းနံပါတ်: တရားစခန်း (+၉၅၁) ၅၃၅ ၄၄၈။ မနက် ၉ နာရီမှ ညနေ ၄
နာရီအတွင်း … Contact: Ma April Oo(+951) 579538 မဧပရယ်ဦး (ရန်ကုန်)။
မိုးအောင် (၆၅၁) ၂၆၁ ၉၂၉၂ USA။ ဒေါ်အေး (347) 393-0848 USA။ ကိုကျော်စွာ
(ရန်ကုန်) (၀) ၉၇၃၀၅၃၁၄၀။
--------------------------------------------------------------------------------
မန်းလေးမှာ ၂လပိုင်း ၁၂ရက်နေ့၊ပြည်ထောင်စုနေ့မှာ ကျင်းပကြမယ့် ဖိတ်စာ။
"အေဘီမြောက်ပိုင်းတွင် လုပ်ကြံခံရသူ ကျောင်းသား၊ လူငယ်များ ရည်စူးသည့်
မန္တလေးမြို့၊ မြ၀တီမင်းကြီးကျောင်းတိုက် ဆွမ်းကျွေးပွဲဖိတ်စာ"
ရှစ်လေးလုံးနောက်ပိုင်း ကျောင်းသားသမိုင်းမှာ
သဏ္ဍာန်မျိုးစုံနဲ ဖြတ်သန်းခဲ့ကြတဲ့ …
မသေအသက် ဆက်ခဲ့သူများ …
သေဖော်ရဲဖက် လက်တွဲဖက်များ …
တာဝန်တွေတွက် လျှို့ဝှက်ခဲ့သူများ …
စာနာစိတ်ထား လုပ်ဖော်ဖက်များ …
စုစည်းတွေ့ ဆုံလို့  …..
ရက်ရက်စက်စက် အသက်ကိုစွန့် ခဲ့ကြတဲ့
ကျောင်းသားတို့ရဲ့ သူရဲကောင်းသရုပ်ကို
အမှန်တရားနဲ့ ဖော်ဆိုကြမယ်
ကုသိုလ်မျှဝေ ကျွတ်လွတ်စေကြမယ်
မှတ်တမ်းပြုချီ ထိမ်းမှတ်တည်စေကြမယ်
တည်ကြည်လေးနက် ခံစားချက်နဲ့
အားလုံးပါဝင်စေဖို့ ဆန္ဒပြုဖိတ်ခေါ် ပါရစေ …
မြန်မာပြည်မြောက်ပိုင်းကျောင်းသားရဲဘော်ဟောင်းများ
နေ့ ရက်- ၁၂.၂.၂၀၁၂။
အချိန်- နံနက် (၁၀)နာရီ ဆွမ်းကပ်၊ နေ့လည် (၁)နာရီ ။ ဂုဏ်ပြု အခမ်းအနား။
နေရာ- မြဝတီမင်းကြီးကျောင်းတိုက်၊ ဘုံပျံတောရ၊ အမှတ်(၆၂)၊ ပန်းခြံလမ်း၊ စက်မှု(၁)၊ပြည်ကြီးတံခွန်မြို့နယ်-မန္တလေး … ။
သေတွင်းကို ချဉ်းနင်းသူချင်း အချင်းချင်း ဂုဏ်ပြုလိုတယ်။ သေသည်ဖြစ်စေ
ရှင်သည်ဖြစ်စေ … တစ်ဦးချင်းတွေရဲ့ ဖြတ်သန်းမှု၊ မြင့်မြတ်ရဲရင့်မှုတို
့အတွက် အဓိပ္ပါယ်နက်တဲ့ဆုံဆည်းမှု အခုပြုကြမယ်
နှစ်(၂၀)တိုင် စိတ်ခိုင်ခိုင်နဲ့  သေသူများရဲ့ ကိုယ်စား ရှင်သူများဖြစ်ခဲ့ ကျန်ရစ်တဲ့သူများကို ဖိတ်ခေါ်လိုတယ်။
ဒို့  အထဲမှာနေ သေတာက …
(၁) စည်သူ (စမ်းချောင်း)
(၂) စမ်းမြင့်ကိုကို(ပျဉ်ပုံကြီး)
(၃) အောင်ဝင်း(မြစ်ကြီးနား)
(၄) သိန်းနိုင်ချို(မန္တလေး)
(၅) ကျော်ကျော်ဦး(မုံရွာ)
(၆) စံလွင်လေး(အမရပူရ) ထောင်မှလွတ်ပြီး မကြာခင်သေဆုံး
(၇) ရာပြည့်(ခ) ခင်မောင်ထွန်း အိုးဘိုထောင်အတွင်းသေဆုံး
အဝေးရောက်သွား ရေမြေခြားက- (ပြည်ပ)
(၁) မငယ်(ခ)နန်းအောင်ထွေးကြည် (ကမာရွတ်၊ရန်ကုန်)
(၂) ထင်လင်းအောင် (သထုံ)
(၃) ထိန်လင်း (အင်္ဂပူ/ဧရာဝတီတိုင်း)
(၄)ဖိုးကျော်(ခ)ကျော်ဝင်းဆွေ (စမ်းချောင်း၊ရန်ကုန်)
(၅)နန်စော (ဗန်းမော်)
ကျန်နေသူများ က (ပြည်တွင်း)
ရင်း(၄၀၁)မှ
(၁) ကျော်စွာဝင်းမောင် (ရန်ကုန်)
(၂) တိုးကြည် (ဒေါပုံ၊ရန်ကုန်)
(၃) ဝဏ္ဏဇော် (ရန်ကုန်)
(၄) ပိပိ(ခ)တင်လွှမ်းမိုး(ရန်ကုန်)
(၅) ဇော်မိုး (ရန်ကုန်)
ရင်း(၅၀၁)မှ
(၆) သိန်းထွန်း (ကျောင်းကုန်း/ရန်ကုန်)
(၇) ကျော်မျိုး (သထုံ)
(၈) နိုင်လင်း (သထုံ)
(၉) လှဝေ (သထုံ)
(၁၀) မောင်မောငေ (ဒလ)
(၁၁) အောင်နိုင် (သနပ်ပင်)
ရင်း(၇၀၁)မှ
(၁၂) ညီညီကျော် (မန္တလေး)
(၁၃) ညီညီ (မန္တလေး)
(၁၄) ဂျိုးဖြူ(ခ)နိုင်ဝင်းအောင်(မန္တလေး)
(၁၅) ခိုဖြူ(ခ)ခင်မောင်ဇော် (မန္တလး)
(၁၆) ကိုဇင်(ခ)ကျော်ဆန်းဦး (မန္တလေး)
(၁၇) မန္တလာထိန်လင်း(ခ)လွင်မင်းသန့်  (မန္တလေး)
(၁၈) စိုးလွင် (မန္တလေး)
(၁၉) ရဲလင်း (ရန်ကုန်)
(၂၀) ဘိုဘို(ခ)မိုးကျော်သူ (စမ်းချောင်း၊ရန်ကုန်)
(၂၁) မိုးကြီး(ခ)မိုးဇော်ထွန်း (ရန်ကုန်)
(၂၂) မြင့်ဇော်ဝင်း (ရန်ကုန်)
(၂၃) သင်းသင်းညီ (ရန်ကုန်)
(၂၄) ကိုကြောင်(ခ)ကျော်နိုင်ဦး (သာယာဝတီ)
(၂၅) ရိုဇာ(ခ)ညီညီအောင်( ပဲခူး)
(၂၆) ကျော်ဦး(ခ)အောင်ကျော်ဦး (ရန်ကုန်/ပဲခူး)
(၂၇) ဒဿ(ခ)မောင်မောင်ခင် (ကသာ/ဘုတလင်)
(၂၈) ကျော်ဇင်ထွန်း (ကသာ)
(၂၉) ဖိုးဆန်း(ခ)ဆန်းဝင်း (ကသာ)
(၃၀) သက်တင် (ဗန်းမော်/ရန်ကုန်)
(၃၁) ဂမ်မလီ (ဗန်းမော်)
(၃၂) စိုးကြိုင် (ကျွန်းကြီး၊ဗန်းမော်)
(၃၃) ဥတည်ဘွား(ခ)ကျော်သိန်း (ကျွန်းကြီး၊ဗန်းမော်)
(၃၄) စိုးလေး(ခ)စိုးဝင်းထွန်း (အင်းတော်/ပွင့်ဖြူ)
(၃၅) ဘိုတောက်(ခ)ထွန်လင်းစိုး (အင်းတော်/ )
(၃၆) စံမျိုးအောင် (အင်းတော်)
(၃၇) နိုင်အောင်(ခ)ဌေးမြင့်သိန်း (မိုးကုတ်)
(၃၈) မတူးတူး (မိုးညှင်း)
(၃၉) ရုက္ခစိုး(ခ)စိုးမိုး (မိုးညှင်း/ )
(၄၀) အီနွတ်(ခ)သန့် ဇင်မိုး (မိုးညှင်း)
(၄၁) ကိုမျိုး (နမ့်ဆော်လော်/နမ္မား)
(၄၂) ဝင်းနိုင်စိုး (နမ္မား)
(၄၃) အောင်အောင် (နမ္မား)
(၄၄) တာကော(ခ)ထွန်းဇံ (မြစ်ကြီးနား)
(၄၅) ပေါ်ဦး (မုံရွာ)
(၄၆) မြင့်ဇော် (မုံရွာ)
(၄၇) အောင်မွန် (မုံရွာ)
(၄ဂ) စိန်ဂေါ်လီ(ခ)မျိုးဇော်အောင် (ကန့် ဘလူ)
(၄၉) စွေစောင်း(ခ)ဝင်းမြင့် (ထန်းတပင်၊ဇီးကုန်း)
(၅၀) ဘောတလုံး(ခ)ကျော်ကျော်နိုင် (ကာဘိုး)
(၅၁) OK(ခ)အုန်းကြိုင် (မန္တလေး/ဇီးကုန်း)
(၅၂) ခင်မောင်ကြည် (အထက်မင်းလှ)
(၅၃) ကံမြင့်ဦး (လယ်ဝေး)
(၅၄) ထွန်းဦးခိုင် (ရွှေဘို)
(၅၅) ဇော်ထွန်း (ကျောက်မြောင်း)
ရင်း(၇၀၂)မှ-
(၅၆) မြင့်သိန်း(ဘာဘူ) (ကသာ/မန္တလေး)
(၅၇) ညီညီနိုင် (ဂန့် ဂေါ)
(၅ဂ) ဟန်ဝင်းအောင် (ကာဘိုး/မန္တလေး)
ABSDF(ဗဟို)မှ လွတ်မြောက်
(၅၉)စိုးလင်း (မန္တလေး)
အားလုံး စုံစေချင်ပါတယ်၊ ဆက်သွယ်ပါ။
ညီညီကျော်(ဖုန်း-၀၉၉၁၀၁၈၇၅၃)နဲ့ နီးစပ်ရာသူငယ်ချင်းများကိုပေါ့။
---------------------------------------------------------------------------------
”အင်္ဂလန်နိုင်ငံမှာ ၂လပိုင်း ၁၂ရက် (ပြည်ထောင်စုနေ့)မှာ ကျင်းပမယ့် ဖိတ်စာ။”
--------------------------------------------------------------------------------------------
”အမေရိကမှာ လုပ်မယ့်ပွဲ ဖိတ်ကြားချက်။”
တော်လှန်ရေးတာဝန်ကိုထမ်းဆောင်ရင်း အကြောင်းမလှစွာကျဆုံးခဲ့ရသော မကဒတမြောက်
ပိုင်းဥက္ကဌကိုထွန်းအောင်ကျော်နှင့်ရဲဘော်ရဲဘက်များ၊
မကဒတတောင်ပိုင်းမှဗဟိုကော်မီတီဝင်
ကိုဌေးနိုင်နှင့်ရဲဘော်အောင်သူတို့အားရည်စူး၍ -အမှတ်တရ
အောက်မေ့ဘွယ်အခမ်းအနားကို အောက်ပါအစီအစဉ်အတိုင်းကျင်းပရန်ရှိပါ၍
စိတ်ဝင်စားသူမည်သူမဆို တက်ရောက်ကြပါရန် လေးစားစွာဖိတ်ကြားအပ်ပါသည်ခင်ဗျား၊
ကျင်းပမည့်နေ့ရက်။ ဖေဖေါ်ဝါရိလ(၁၂)ရက်၊တနင်္ဂံနွေနေ့
အချိန် နံနက်(၁၁)နာရီမှနေခင်း(၃)နာရီအထိ
နေရာ 2424 Lake Ave, Fort Wayne, IN 46805
ဆက်သွယ်ရန်
ကိုကိုဦး 260-443-2087
ကိုပြည်ကြီး 260-385-8900
ကိုဇော်ဇော် 260-479-9188
ကိုချစ်ဘွယ် 260-745-1833
-------------------------------------------------------
”ကချင်ပြည်နယ်
ပါဂျောင်ဒေသတွင် ကျဆုံးခဲ့ရသော ကျောင်းသားခေါင်းဆောင်
ကိုထွန်းအောင်ကျော်နဲ့တကွ ရဲဘော်ရဲဘက်များ၏ နှစ်(၂၀)မြောက်နေ့သို့
ပေးပို့သော သ၀ဏ်လွှာ”
သက္ကရာဇ် ၂၀၁၂ခုနှစ်၊ဖေဖေါ်ဝါရီလ(၁၂)ရက်နေ့
မြန်မာနိုင်ငံမြောက်ပိုင်း ကချင်ပြည်နယ် ပါဂျောင်ဒေသတွင် ကျဆုံးခဲ့ကြရသော
ကျောင်းသား ခေါင်းဆောင် ကိုထွန်းအောင်ကျော်နဲ့တကွ ရဲဘော်ရဲဘက်များအား
ရည်စူး၍ ကျနော်တို့မှ လေးနက်တည်ကြည်စွာ အောက်ပါ သဘောထားကို
ထုတ်ပြန်ကြေငြာအပ်ပါသည်၊
အို..ရဲဘော်တို့
ဖေဖေါ်ဝါရီလ-၁၂-ရက်နေ့ဆိုလျှင် ငါတို့အားလုံးအတွက် လုံးဝမေ့လို့မရနိုင်သော
အလွန်တရာ မှ ၀မ်းနည်းဘွယ်ရာ ကောင်းသောနေ့ တစ်နေ့ဖြစ်ခဲ့လေပြီ၊ သက္ကရာဇ်
၂၀၁၂ခုနှစ်ဆိုလျှင် မင်းတို့တတွေ ကျဆုံးခဲ့ရသည်မှာ
နှစ်ပေါင်းနှစ်ဆယ်သို့ပင် တိုင်ခဲ့ပြီးဖြစ်သော်လည်း သင်တို့၏ ဂုဏ်သိက္ခာမှာ
ယနေ့ထက်ထိတိုင် တောက်ပြောင်နေဆဲ ရှိနေတယ်ဆိုတာ ငါတို့အားလုံး တညီ
တညွတ်တည်း အသိအမှတ်ပြုသလို မည်သူကမှလည်း ငြင်းကွယ်နိုင်မည်မဟုတ်ပါ၊
မင်းတို့ရဲ့ တိုင်းပြည်ချစ်စိတ် မျိုးချစ်စိတ်တွေကို ငါတို့နှင့်တကွ
ပြည်သူပြည်သားတွေအားလုံးက လည်း အမြဲတန်း အမှတ်ရ ဂုဏ်ယူနေဦးမည်ဖြစ်သလို
မင်းတို့ကျဆုံးခဲ့ရသည့် အဖြစ်အပျက်ကိုလည်း စစ်မှန်သော တော်လှန်ရေးသမားများ
ကျဆုံးသလို မှတ်ကျောက်တင်ထားရှိပြီးဖြစ်သည်၊
အို..ရဲဘော်သူငယ်ချင်းအပေါင်းတို့၊
မင်းတို့တတွေ ကျဆုံးခဲ့လေပြီဖြစ်သော်လည်း မင်းတို့၏ သမိုင်းသည်
ငါ့တို့နဲ့အတူ ဆက်လက်ရှင်သန်နေဦးမည်ဖြစ်ပါသည်၊မြင့်မြတ်သော မင်းတို့၏
နှလုံးသားနဲ့အတူ တော်လှန်ရေးကို ချစ်မြတ်နိူးသည့် မွန်မြတ်သည့်
မင်းတို့၏စိတ်ဓါတ်ကိုလည်း ငါတို့ ဘယ်သောအခါမှ မေ့နိုင်လိမ့်မည်မဟုတ်ပါ၊
ကျဆုံးလေပြီးဖြစ်သော မင်းတို့အတွက် သမိုင်းဝင်မှတ်ကျောက်တင်ရန်အတွက် ငါတို့အားလုံး ရင် ထဲမှ လှိုက်လှိုက်လှဲလှဲပြောလိုသည်မှာ -
“မင်းတို့ဟာ ကျောင်းသားအစစ်အမှန်ဖြစ်တယ်၊”
“တော်လှန်ရေးကို ချစ်မြတ်နိူးသူ အစစ်အမှန်ဖြစ်တယ်၊”
“စစ်အာဏာရှင်စနစ်ကို ပြတ်ပြတ်သားသား ဆန့်ကျင်သူတွေဖြစ်တယ်၊”
ဒါကြောင့် မင်းတို့တစ်ဦးချင်းစီရဲ့ စွန့်လွှတ်စွန့်စားမှုတွေအားလုံးကို
မြင့်မြတ်သော တော်လှန်ရေး တပ်ဦး၏ စွန့်လွှတ်စွန့်စားမှုတွေအဖြစ်
ကဗ္ဗည်းတင်ထားရှိမည်ဖြစ်သလို မင်းတို့တစ်ဦးချင်းစီ၏ ကျဆုံးခဲ့ရမှုကိုလည်း
မြင့်မြတ်သော တော်လှန်ရေးသမားတစ်ဦး ကျဆုံးမှုအဖြစ် မှတ်တမ်းတင်
ထားရှိမည်ဖြစ်သည်၊
လူ့ အခွင့်အရေးအတွက် တိုက်ပွဲဝင်ရင်း သူရဲဘောကြောင်သော လူရမ်းကားတစ်စု၏
လက်ချက် ကြောင့် စစ်မှန်သောတော်လှန်ရေးသမားများ ကျဆုံးခဲ့ရသည့်အတွက်
အထူးပင် ၀မ်းနည်း ကြေကွဲရသလို ဂိုဏ်းဂဏဆန်သော သူတို့၏ လုပ်ရပ်များကိုလည်း
ပြတ်ပြတ်သားသား ဆန့်ကျင်သွားမည်ဖြစ်ပြီး ရက်စက်စွာ ပြုမူခဲ့သူတို့ကိုလည်း
တရားဥပဒေ ရှေ့မှောက် အမြန်ဆုံး ရောက်ရှိနိုင်ရေးကိုလည်း
ဆက်လက်ကြိုးပမ်းအားထုတ်သွားမည်ဖြစ်သည်၊ အမှန်တရားကို လိုလားသူတွေ၊
လူ့အခွင့်အရေးကို ချစ်မြတ်နိူးသူတွေ၊ ဒီမိုကရေစီကို
ချစ်မြတ်နိူးသူတွေအားလုံး မင်းတို့နဲ့အတူ ထပ်တူထပ်မျှူ ရှိနေမည်ဆိုတာ
မြေကြီးလက်ခတ် မလွဲပါဘူး၊
လွဲမှားသော အတွေးအခေါ်ကို ကျင့်သုံးပြီး မင်းမဲ့စရိုက်ဆန်သော
လူတစ်စုလုပ်ရပ်အတွက် ငါတို့ ရဲ့ မြင့်မြတ်သော တော်လှန်ရေးသမိုင်းကို
အစွန်းအထင်း မခံနိုင်ပါ၊ ထိုသူတို့ကား တော်လှန်ရေး နယ်မြေထဲသို့
ရောက်လာခဲ့ကြသော တော်လှန်ရေးသမားများ မဟုတ်၊ အမှန်စင်စစ် ၎င်းတို့သည်
တော်လှန်ရေးကို ဖြိုခွဲသူ ပဉ္စမံတပ်သား၊ လူရမ်းကားများသာလျှင်ဖြစ်သည်။
၎င်းတို့သည် ၄င်းတို့နှင့်ထိုက်တန်သည့် တရားဥပဒေ၏ အဆုံးအဖြတ်ကို
ကျခံလိုက်နာရုံမှတပါး အခြားမရှိပါ၊လူဆိုးလူမိုက်လူရမ်းကားများကို
ယဉ်ကျေးသောလူ့အဖွဲ့အစည်းက မည်သို့မှလက် သင့်ခံလိမ့်မည် မဟုတ်ပါ၊
ငါတို့အနေနဲ့နောက်ဆုံးပြောလိုသည်မှာ ကျဆုံးလေပြီးသော မင်းတို့၏၀ိညာဉ်နဲ့အတူ
မင်းတို့ အထူးတလည် လိုလားသော ၊မြတ်နိူးသော၊
ဒီမိုကရေစီနှင့်လူ့အခွင့်အရေးရရှိရေးအတွက် ဆက်လက်တိုက်ဝင်သွားမည်ဖြစ်သလို ၊
ကျန်ရစ်သော မင်းတို့၏ မိဖညီအစ်ကိုမောင်နှမများနဲ့ ထပ်တူ
အထူးပင်ကြေကွဲရပါကြောင်း ထပ်လောင်းပြောကြားလိုပါသည်၊
အို..သူငယ်ချင်း ရဲဘော်အပေါင်းတို့..မင်းတို့ဟာ လူသေသော်လည်း နာမည် မသေခဲ့၊
သမိုင်း မသေခဲ့ပါ၊ မင်းတို့ ၀ိညာဉ်တွေဟာ ငါတို့ရဲ့ ရင်ထဲ အသဲထဲ
စွဲဝင်ကိန်းအောင်းခဲ့လေပြီ၊။ ဒီနေ့ဒီရက် ဟာ မင်းတို့အတွက်
သမိုင်းလှလှရေးဖို့ မွေးဖွားလိုက်တာဖြစ်တယ်၊ အနာဂတ်ရဲ့သမိုင်းစာမျက် နှာမှာ
မင်းတို့ရဲ့မြင့်မြတ်တဲ့ စွန့်လွှတ်ခဲ့မှုတွေအတွက် ငါတို့သမိုင်းသစ်ကို
သွေးနဲ့ရေးခဲ့ရပြီဟု ကမ္ဗည်းတင်အပ်ပါသည်…. ရဲဘော်တို့၊
မင်းတို့ အားလုံး ကောင်းရာသုဂတိ လားစေသော်ဝ်။
ဝမ်းနည်းကြေကွဲခြင်းနဲ့အတူ..ရဲရင့်တည်ကြည်စွာဖြင့်-
၁။ ABSDF မြောက်ပိုင်းဖြစ်ရပ်မှန်ဖေါ်ထုတ်ရေးအဖွဲ့။
၂။ နိုင်ငံတကာရောက် ဒီမိုကရေစီတိုက်ပွဲဝင်ရဲဘော်ရဲဘက်များ။
၃။ ၈၈ မျိုးဆက်ကျောင်းသားများ (ပြည်ပ)။
၎။ မြန်မာနိုင်ငံလုံးဆိုင်ရာ ရဟန်းပျိုများ သမဂ္ဂ။
၅။ လွတ်လပ်သောမြန်မာ့လူ့ဘောင်အဖွဲ့ ။
သက္ကရာဇ် ၂၀၁၂ခုနှစ်၊ဖေဖေါ်ဝါရီလ(၁၂)ရက်နေ့၊
-------------------------------------------------
”မြောက်ပိုင်းဒေသမှ အရိုးတွန်သံများ ( အပိုင်း-၈-)” (အောင်မိုးဝင်း )
မြောက်ပိုင်းဒေသမှ အရိုးတွန်သံများ ( အပိုင်း-၈-) ကို ရေးနေရင်းက၊
ဖြည့်စွက်ချက် တခုကို ထည့်ပေးရတော့မယ် ဆိုတာ သဘောပေါက်ခဲ့ကြတယ်။
ဒီလိုထည့်ဖို့ရာ အကြောင်းဖန်လာခြင်းရဲ့အဓိကအကြောင်းရင်းကတော့
ကိုမိုးသီးဇွန် ဗဟိုကော်မတီ ရဲ့ ၁၉၉၂ ( မတ်လ) မှာ ထုတ်ဝေခဲ့တဲ့စာတစောင်နဲ့
သူ့ရဲ့ စရိုက်လက္ခဏ၊ ပြောဆိုနေမှုတွေ ကြောင့်ပဲဖြစ်ပါတယ်။
ဗမာနိုင်ငံလုံးဆိုင်ရာကျောင်းသား သမဂ္ဂမှ ရဲဘော်များ နဲ့ မြောက်ပိုင်းဒေသမှ
ထွက်ပြေးလွတ်မြောက်လာသူများ သေသေချာချာဖတ်စေချင်ပါတယ်။
ကျောင်းသားခေါင်းဆောင်လို့ ကြွေးကြော်နေတဲ့သူတွေဟာ မြောက်ပိုင်းဒေသမှာ
နှိပ်စက်ဖမ်းဆီးခံခဲ့ရ၊ အသတ်ခံခဲ့ရတဲ့သူတွေအပေါ် ဘယ်လိုသဘောထားသလဲ ဆိုတာ
သိစေချင်လို့ပါ။
စာရဲ့ အဆုံးသတ်မှာ တင်ပြထားတဲ့ ဒေါက်တာနိုင်အောင်ရဲ့စာ ဟာ ဒီဆောင်းပါးရဲ့ အဓိကအချက်အလက် လို့ ပြောလိုက်ချင်ပါတယ်။
”ရှေ့ဆက်ရမယ့်ခရီး”
ကျနော်နဲ့ မအေးအေးစိုးဝင်း တို့နှစ်ယောက် မနေ့ကမှ တေ့တေ့ဆိုင်ဆိုင်
ဖုံးစကားပြောဖြစ်ကြတယ်။ သူနဲ့ကျနော်က ဖေ့ဘွတ်ပေါ် မှာသာ တယောက်ရေးတာတယောက်
ဆွေးနွေးခဲ့ကြပေမဲ့ လူပုဂ္ဂိုလ်ချင်းအရ အဆက်အသွယ်မရှိခဲ့ပါဘူး။ ဒါပေမဲ့
ကိုမိုးသီးဇွန်ရဲ့ လုပ်ရပ်တွေကြောင့်ပဲ ကျနော်တို့တတွေ ဖုံးဆက်ဖြစ်ကြတယ်။
ရှေ့ဆက်လုပ်ရမဲ့ အလုပ်တွေအတွက် ကျနော်တို့ကြားမှာ ရှင်းရှင်းလင်းလင်း
သွားချင်တာကြောင့် တယောက်နဲ့တယောက်
ပွင့်ပွင့်လင်းလင်းပြောဆိုတိုင်ပင်ကြခြင်းဖြစ်တယ်။ မြောက်ပိုင်းဒေသမှ
အစုလိုက်အပြုံလိုက် လူသတ်မှုကိစ္စကိုဆွေးနွေးကြတဲ့အခါမှာ
အုပ်စုတိုက်ပွဲပုံစံအသွင်ကူးပြောင်းချင်တဲ့၊
ပုဂ္ဂိုလ်ရေးကိုးကွယ်မှုအစွန်းရောက်တဲ့ သူတွေအားလုံးကို ရှောင်ပြီး
ကျနော်တို့က လုပ်ချင်ပါတယ်။
အုပ်စုတိုက်ပွဲပုံစံနဲ့ချည်းကပ်တဲ့အရာမှန်သမျှဟာ အမှန်တရားကို
မရောက်နိုင်ပါဘူး။ ဒါကြောင့် ကျနော်က မအေးအေးစိုးဝင်း ကို
ကိုမိုးသီးဇွန်အပေါ် ထားတဲ့သဘောထားတွေကို မေးခဲ့တော့ သူ့အဖြေက ရှင်းပါတယ်။
သူက အမှန်တရားဘက်ကပဲ ရပ်တည်မယ်၊ ဘယ်သူ့လူမှ မဟုတ်ဘူး လို့ ဆိုပါတယ်။
ကိုမိုးသီးဇွန်ရဲ့ သဘောထားတွေ၊ လုပ်နည်းလုပ်ဟန်တွေကိုလည်း ကျနော့်ကို
ရှင်းပြပါတယ်။ မငယ် (ခ) နန်းအောင်ထွေးကြည်နဲ့လည်း
သေသေချာချာမေးမြန်းဖြစ်ပြန်တယ်။ ကိုမိုးသီးဇွန်တို့ ထုတ်ပြနေတဲ့စာဟာ မငယ်
( နန်းအောင်ထွေးကြည်) ဆီက ရခဲ့တာလား။ ကိုယ့်အတွက်
အသက်ရှုပေါက်ရမဲ့စာတစောင်ကို ထုတ်ပေးခဲ့ရဲ့သားနဲ့ ဘာကြောင့် သူက အခုလို
ကိုယ်ချင်းစာစိတ်မဲ့တဲ့စကားတွေပြောနေသလဲ။ အစုံပါပဲ။
အားလုံးတိုင်ပင်ပြီးတဲ့အခါ ကျမှ၊ ဒီအကြောင်းအရာတွေကို မိတ်ဆွေတွေ
သိထားသင့်တယ် ထင်လို့ ရေးပြလိုက်တာပါ။ မဟုတ်ရင် သူကပဲ အမှန်တရားကို
ချစ်သယောင်ယောင်၊ နစ်နာနေသူတွေဘက်ကပဲ ပြတ်ပြတ်သားသားရပ်တည်နေသယောင်ယောင်
နှမ်းဖြူးဟန်ဆောင်နေမှာစိုးလို့ပါ။
”မြောက်ပိုင်းကိစ္စအပေါ်မှာ”
၁၉၉၂ တုံးက မြောက်ပိုင်းလူ့သတ်မှုတွေအပေါ်မှာ၊ ကိုနိုင်အောင့် အုပ်စုက
ဘယ်လို၊ ကိုမိုးသီးအုပ်စုက ဘယ်လိုသဘောထားတယ် ဆိုတဲ့ ကြေငြာချက်တွေဟာလည်း
မဖြစ်မနေဖတ်ရမှာဖြစ်သလို၊ ဒီကနေ့လက်ရှိမှာ အဲ့ဒီလူတွေက
မြောက်ပိုင်းလူသတ်မှုအပေါ်မှာ ဘယ်လို သဘောထားတယ်၊ ကိုယ်ချင်းစာစိတ်
ဘယ်လိုရှိတယ် ဆိုတာကိုလည်း သိဖို့လိုပါလိမ့်မယ်။ တကယ်တော့
စာရွက်စာတမ်းတွေအားလုံးက ကျနော်တို့လက်ထဲမှာ အကုန်ရှိပြီးသားပါ။
ကိုအောင်ထူး ရဲ့ လက်မှတ်နဲ့ထိုးထားတဲ့စာ၊ ဒေါက်တာနိုင်အောင်ရဲ့စာတွေအပြင်၊
ကိုမိုးသီးဇွန် ရဲ့ ဗဟိုအလုပ်မှုဆောင်အဖွဲ့ အမည်ပေးထားတဲ့စာတွေလည်း
ကျနော်တို့ဆီမှာ ဖိုင်တွဲနဲ့သိမ်းထားပြီးသားပါ။ တောင်ပိုင်းမှာ
ဖြစ်ပျက်ခဲ့တာတွေကို သေသေချာချာ မသိတာကြောင့် ဝင်မပါချင်တာတပိုင်း၊
မြောက်ပိုင်းကိစ္စကိုသာ အရင်ရှင်းချင်တာ တပိုင်းကြောင့် အဲ့ဒီ အဆင့်ကို
ထိကို မထိခဲ့တာပါ။ ဒါပေမဲ့ အခုတော့ ကိုမိုးသီးဇွန် တို့ ဘက်က ၁၉၉၂ တုံးက
စာကို ထုတ်ပြနေတာကြောင့် ကြားဖြတ်ရှင်းပြရမဲ့အဆင့် ကို ရောက်လာခဲ့ပါတယ်။
”ကိုမိုးသီးဇွန်၊ နန်းအောင်ထွေးကြည် နဲ့ ကိုထိန်လင်း”
၂၀၀၉ ခုနှစ်မှာ နန်းအောင်ထွေးကြည် တယောက်၊ ထိုင်းကို ပြန်တော့
ကိုမိုးသီးဇွန် နဲ့ ထိုင်းနယ်စပ်က ဒီမိုကရေစီရေးလှုပ်ရှားသူ တချို့ နဲ့
ဆုံခဲ့ပါတယ်။ ကိုမိုးသီးဇွန်ကိုယ်တိုင် နန်းအောင်ထွေးကြည်တည်းခိုတဲ့နေရာကို
လိုက်ခဲ့ပြီး “ ဟာ ဟုတ်တယ်၊ ဒီကောင်တွေ ရက်စက်လွန်းတယ်။ ဒီ
မြောက်ပိုင်းကိစ္စကို ဖေါ်ထုတ်ရမယ်” လို့ အာဘောင်အာရင်းသန်သန်ပြောခဲ့ပါတယ်။
ဒီကနေ့ ကိုမိုးသီးဇွန်တို့ အုပ်စု ရတဲ့ ၁၉၉၂ စတိတ်မန့်ဆိုတာ
နန်းအောင်ထွေးကြည်က ရတာလား။ ( ဒါမှမဟုတ်) ကိုမိုးသီးဇွန်တို့ရဲ့
သုသေသနဋ္ဌာနကြီးက ရတာလား။ ကာယကံရှင်တွေ အသိကြဆုံးပါ။ ကိုအောင်နိုင်ဦးက
ဋ္ဌေးနိုင် ဘယ်လို အသတ်ခံခဲ့ရတယ်ဆိုတာတွေတောင် နန်းအောင်ထွေးကြည်ကို
ရှင်းပြခဲ့တာမို့လား။
ကိုထိန်လင်း တယောက် ထိုင်းကို ပန်းချီပြပွဲသွားတဲ့အခါမှာလည်း၊
ကိုမိုးသီးဇွန်တို့အုပ်စုက မြောက်ပိုင်းကိစ္စကို ဖေါ်ထုတ်ဖွင့် ချဖို့
တိုက်တွန်းခဲ့သေးတယ် လို့ သိရပါတယ်။ ဒီလို အာဘောင်အာရင်း သန်သန်ပြောခဲ့တဲ့
ကိုမိုးသီးဇွန်ဟာ ကိုထိန်လင်းနဲ့ ကျနော်တို့တတွေ မြောက်ပိုင်းကိစ္စကို
စတင်ရေးလာ ကတည်းက သွေးရူးသွေးတန်းနဲ့ လိုက်ကန့်ကွက်ခဲ့ပါတယ်။
သူနဲ့ရင်းနှီးတဲ့ကျောင်းသားတချို့ကို ဒီကိစ္စတွေထဲမှာ မပါဖို့
တိုက်တွန်းခဲ့တယ်။ “ရေးသားနေတဲ့ သူတွေဟာ ရန်သူအကြိုက်လိုက်လုပ်နေတယ်။” “
ABSDF ကို တိုက်ခိုက်နေတယ်” ဆိုတဲ့ ဝါဒဖြန့်ချီရေးတွေအပြင်၊ “ကာယကံရှင်တွေက
မရေးပဲ ဘာလို့ မအေးတို့က ဆွေ့ဆွေ့ခုန်နေတာလဲ” ဆိုတဲ့စကားမျိုးတွေ ကိုလည်း
မအေးအေးစိုးဝင်းကို ပြောခဲ့တယ် လို့ သိရပါတယ်။
”တိုင်းပြည်ရဲ့ရန်သူဆိုတာ ဘယ်သူလဲ”
တိုင်းပြည်ရဲ့ ရန်သူဆိုတာ အာဏာရှင်ဖြစ်တဲ့ နေဝင်း၊ သန်းရွှေ
စစ်အုပ်စုတင်ခေါ်ဆိုတာ မဟုတ်ပါဘူး။ သူတို့လိုပဲ အာဏာရူး၊ နေရာရူး ပြီး
ကိုယ်ခေါင်းဆောင်မဖြစ်ရင် ကျန်တဲ့သူတွေကို တိုက်ခိုက်ချေမှုန်းဖို့
ကြိုးစားနေတဲ့ သဘောထားသေးသိမ်သူ အားလုံးကို ဆိုလိုခြင်းဖြစ်ပါတယ်။
ခေါင်းဆောင်ရူးရင်းရူးရင်းနဲ့ ဘယ်သူတွေ မြောင်းထဲရောက်ကုန်ကြပြီလဲ။
အမေရိကားကျောင်းသား အစည်းအဝေးတချို့မှာ “ပြည်တွင်းပြန်ဝင်ဖို့အတွက်
ကျနော့ကို ကိုယ်စားလှယ်ပေးကြပါခင်ဗျား” လို့တောင်းနေရတဲ့အဆင့်ကို
ဘယ်သူတွေရောက်ကုန်ကြပြီလဲ။ ကိုယ့်ဘာသာ ပြန်သုံးသပ်စေ ချင်ပါတယ်။
”ကာယကံရှင် ဆိုတာ ဘယ်သူလဲ”
ကာယကံရှင်ဆိုတာ ထွက်ပြေးလွတ်မြောက်လာသူတွေနဲ့ အသတ်ခံရသူတွေကိုမှ
ကာယကံရှင်လို့ခေါ်တာ မဟုတ်ပါဘူး။ လုပ်ဖေါ်ကိုင်ဘက် ဗကသ ( အထက်ဗမာပြည်)
ရဲဘော်များကလည်း၊ သူတို့ရဲဘော်တွေဟာ ရန်သူ့သူလျှိုမဟုတ်ကြောင်း
ပြတ်ပြတ်သားသား ရပ်တည်ငြင်းဆန်ပိုင်ခွင့်ရှိပါတယ်။ ကျနော်တို့ဟာ
အဖွဲ့အစည်းနဲ့လုပ်တဲ့အခါတိုင်း ကိုယ့်ရဲ့ရဲဘော်တွေဘက်က တာဝန်ယူ
ရပ်တည်လေ့ရှိပါတယ်။ မျက်နှာလွှဲခဲပစ်လုပ်လေ့မရှိပါဘူး။ ဒါမှာလည်း
ရဲဘော်ရဲဘက်စိတ်ရှိတယ်ခေါ်မှာပါ။ ကိုထွန်းအောင်ကျော် နဲ့ စိုးဝင်းသန်းဟာ ဗကသ
ခေါင်းဆောင်တွေဖြစ်တဲ့အတွက် ဗကသ ရဲဘော်တွေကလည်း သူတို့ရဲ့
သမိုင်းရေးဆိုင်ရာ ကိစ္စတွေကို တာဝန်ယူ ရပ်တည်သွားကြမှာပါ။
ကိုမိုးသီးဇွန်ဘဝမှာ ကိုယ့်အပေါ်ကောင်းခဲ့တဲ့ လူတွေအပေါ်
ရဲဘော်ရဲဘက်စိတ်ရှိခဲ့ပါသလား။ မိုးထဲလေထဲမှာ
ချကြွေးပစ်ခဲ့အဖြစ်မျိုးဘယ်နှစ်ခါ လုပ်ခဲ့ပါသလဲ။ ကိုဇော်ထွန်း (
ဆေးတက္ကသိုလ်) ဘယ်လိုသေခဲ့ပါသလဲ။ မြောက်ပိုင်းကိုရောက်သွားတဲ့ တောင်ပိုင်းက
ABSDF ရဲဘော်တွေရဲ့လုံခြုံရေးကိုရော တာဝန်ယူခဲ့ဘူးပါရဲ့လား။
ထပ်ပြီးပြောလိုက်ပါမယ်။ မြောက်ပိုင်းအစုလိုက်အပြုံလိုက် လူသတ်မှုဟာ
အမျိုးသားရေးပါ။ မတရားမှုကို ဆန့်ကျင်သူ၊ ယဉ်ကျေးမှု ရှိသူအားလုံး
ပါဝင်ပိုင်ခွင့်ရှိပါတယ်။
”အောင်ပွဲကို ရပြီဆိုပဲ”
ကိုမိုးသီးဇွန် ရဲ့ နီးစပ်တဲ့သူတယောက်က ဆိုပါတယ်။ “ ဒီမိုကရေစီ
အောင်ပွဲရခါနီးခါမှ မြောက်ပိုင်းလူသတ်မှုအပုပ်တွေကို ဖေါ်နေကြတယ်” တဲ့။
နေစမ်းပါအုံး။ “အောင်ပွဲရခါနီးပြီ” ဆိုတဲ့စကားနဲ့ “၂၀၀၈ အခြေခံဥပဒေအောက်
အားလုံးဒူးထောက်ရေး” ဆိုတဲ့စကား ကွဲပြားအောင်လုပ်ဖို့လိုပါလိမ့်မယ်။
လူငယ်တွေကို မီးရှို့ခိုင်း၊ ခဲနဲ့ပေါက်ခိုင်း
မင်းမဲ့စရိုက်လှုံ့ဆော်မှုတွေပြောပြီး၊ ပြည်တွင်းကို ပြန်ဝင်ဖို့
ချောင်းနေတဲ့ ခပ်ညံ့ညံ့ကျောင်းသားခေါင်းဆောင်တယောက်လို အလုပ်မျိုး
ကျနော်တို့ မလုပ်ခဲ့တာတော့ သေချာပါတယ်။ ကြွေးကြော်သံတွေ
ရမ်းရမ်းကားကားပြောပြီး မေ့ပျောက်လွယ်၊ ဒူးထောက်လွယ်တဲ့သူတွေ၊
မဟုတ်ခဲ့တာလည်း သေချာပါတယ်။
”ဗကသ ( အထက်ဗမာပြည်) ပေါ် သဘောထား”
တကယ်တော့ ကျနော်ထိုင်းနယ်စပ်ကို ရောက်ခါစ ၁၉၉၈ လောက်မှာထိ ကိုမိုးသီးဇွန်ဟာ
ဗမာနိုင်ငံလုံးဆိုင်ရာကျောင်းသားသမဂ္ဂ ( အထက်ဗမာပြည်) ညီလာခံတွေကို
ခါးခါးသီးသီး ငြင်းပယ်လေ့ရှိပါတယ်။ သူပါခဲ့တဲ့ သြဂတ်စ် (၂၈) ဗကသ လောက်ကိုသာ
သမိုင်းလို့ထင်ပြီး ကျန်တဲ့ ဗကသ သမိုင်းတွေကို “ ဘယ်သူ့ကို
ကိုယ်စားပြုလို့လဲ” ဆိုတဲ့ မေးခွန်းတွေထုတ်ပြီး သူများတွေရဲ့ သမိုင်းကို
အထင်သေးသူဖြစ်တယ်။ လက်မခံသူဖြစ်တယ်။ ဗကသ၊ လူ့ဘောင်သစ်၊ ABSDF
စတဲ့အဖွဲ့တွေအားလုံးကို သူတယောက်တည်းပဲ ပိုင်ဆိုင်သယောင်ယောင်
လက်ဝါးကြီးအုပ် မင်းမူချင်သူတယောက်ဖြစ်တယ်။
ကိုထွန်းအောင်ကျော်ဟာ မန္တလေးမှာ ထင်ရှားတဲ့ခေါင်းဆောင်တယောက်လို့ သိခဲ့မယ်
ဆိုရင် ဗမာနိုင်ငံလုံးဆိုင်ရာ ကျောင်းသားသမဂ္ဂ ( အထက်ဗမာပြည်) ရဲ့
ညီလာခံကိုလည်း သိနေသင့်ပါတယ်။ ကျနော်တို့ပြောတဲ့ ဗကသ သမိုင်း ဟုတ်မဟုတ်
လက်ရှိအသက်ထင်ရှားရှိနေတဲ့ ကိုကိုကြီး၊ ကိုပြုံးချို တို့ကို မေးလိုက်ပါ။
ဒါကြောင့် ၁၉၉၂ မှာ ထုတ်ဝေခဲ့တဲ့ ကိုမိုးသီးဇွန် အုပ်စုရဲ့ မြောက်ပိုင်းဒေသ
လူသတ်မှုအပေါ် သဘောထားကို ကြေငြာချက်ကို ဖတ်ပြီး လူတွေရဲ့ ရင်ထဲမှာ
မေးခွန်းတွေရောက်လာပါတယ်။ ဗဟိုကော်မတီရဲ့သဘောထားကတော့ ထားလိုက်ပါတော့။ ဘာမှ
မှတ်ချက်မပေးချင်ပါ။ ဗဟိုကော်မတီထဲမှာ ကျနော်တို့အပေါ်
သဘောထားမှန်တဲ့သူတွေ ရှိနေလို့ပါ။
ဒါပေမဲ့ ကိုမိုးသီးဇွန်ရဲ့ စရိုက်လက္ခဏာကတော့ ကြေငြာချက်နဲ့ကွာဟနေပါတယ်။
ကိုမိုးသီးဇွန်ဟာ မြောက်ပိုင်းလူသတ်မှုကို တကယ်ရှုတ်ချချင်တဲ့
ဆန္ဒရှိတယ်ဆိုရင် ဘာဖြစ်လို့ အခုချိန်မှာ ခံစားခဲ့ရသူတွေဘက်က
ကိုယ်ချင်းစာစိတ် တစက်မှ မရှိခဲ့တာလဲ။ ဘာလို့ အဖြစ်မှန်ရေးသားနေသူတွေကို
နည်းပေါင်းစုံလိုက် တိုက်ခိုက်နေတာလဲ။ ဘာကို ကြောက်နေတာလဲ။
လူတော်တော်များများကတော့ ကိုဋ္ဌေးနိုင် အသတ်ခံရတဲ့ အမှုဟာ မြောက်ပိုင်းကိစ္စ
နဲ့ ဆက်နွယ်နေတာကြောင့် သူ့ဆီကို အမှုပတ်လာမှာ စိုးလို့ လို့ ဆိုကြပါတယ်။
ကျနော်တို့အုပ်စုမှာတော့ အဲ့ဒီထက် စိတ်ဝင်စားစရာကောင်းတဲ့
စာတစောင်ရှိနေပါတယ်။ ဒီစာတစောင် နဲ့ ၁၉၉၂ ဗဟိုကော်မတီက ထုတ်ဝေတဲ့
သဘောထားကြေငြာချက်ကို နှိုင်းယှဉ်ပြီး ဖတ်လို့ရနိုင်အောင်လို့ပါ။
”ဒေါက်တာနိုင်အောင်ရဲ့စာ”
တကယ်တော့ ဒီစာကို အပြင်မှာထုတ်ပြဖို့ စိတ်ကူးတစက်မှ မရှိခဲ့ပါဘူး။
ဒေါက်တာနိုင်အောင်က ကိုသန်းဝင်းရဲ့စာကို တုန့်ပြန်ခဲ့တဲ့အခါ ကျနော့ဆီကို (
cc) တွဲပြီး ပို့ပေးခဲ့ပါတယ်။ ကျနော်က စည်းထားပါတယ်။ ဒီလို
ပုဂ္ဂိုလ်ရေးယုံကြည်လို့ ပေးတဲ့စာ ကို ထုတ်ပြလေ့မရှိပါဘူး။ ဒါပေမဲ့
ကိုသန်းဝင်း က အဲ့ဒီစာကို ထုတ်ဖေါ်ပြောခဲ့ပြီး ဖြစ်သလို၊ ကိုမိုးသီးဇွန် ရဲ့
ကြောက်လန့်တကြား လိုက်လံတားဆီးခဲ့တဲ့ လုပ်ရပ်တွေကို သံသယဖြစ်ခဲ့လို့
ဒီစာကိုထုတ်ပေးလိုက်ပါတယ်။ အရေးကြီးတဲ့ စာကြောင်းကို လိုင်းတားပေးထားပါတယ်။
ဒေါက်တာနိုင်အောင့် ရဲ့ စာအရဆိုရင်တော့ “ မြောက်ပိုင်းလူသတ်မှုကို
အမိန့်ပေးသူဟာ ကိုမိုးသီးဖြစ်ပါတယ်” တဲ့။ ကိုသန်းဝင်းနဲ့
အပြန်အလှန်ရေးတဲ့စာ အဆုံးသတ်ခါနီးမှာ ဟော့သလိုရေးထားပါတယ်။
“အဖွဲ့နှစ်ဖွဲ့ မကွဲခင်မှာ ရန်သူ့သူလျှိုတွေကို သတ်ဖို့ ကိုမိုးသီးက
ခွင့်ပြုခဲ့တာကို မင်းသိသလား။ စာရွက်စာတမ်းတွေအားလုံးကို ငါတို့
သိမ်းထားပါတယ်”
Do you know that Ko Moe Thee gave the permission to execute the spys in northern before the split? We have kept all documents.
ကိုနိုင်အောင်ရဲ့စာဟာ လွန်ခဲ့တဲ့ (၂) နှစ် ၊ ၂၀၁၀ ဖေဖေါ်ဝါရီလ (၁၀) ရက်နေ့က
ရေးသားခဲ့ခြင်းဖြစ်ပါတယ်။ အဲ့ဒီကာလတုံးက ကိုသန်းဝင်းဟာ ကိုမိုးသီးနဲ့
ကိုနိုင်အောင်ဆီကို အိတ်ဖွင့်ပေးစာတွေရေးနေတဲ့အချိန်ပါ။
သူတို့ဖြစ်နေတဲ့ကိစ္စက ကျနော်နဲ့ဘာမှ မပတ်သက်ပါဘူး။ ဒါပေမယ့် မြောက်ပိုင်း
ကိစ္စတွေ ပါလာတိုင်း ကျနော်နဲ့သက်ဆိုင်မယ် ထင်လို့ ကိုနိုင်အောင်က
ကျနော့်ကို စာတွဲပို့ပေးလိုက်တယ် လို့ ယူဆပါတယ်။ မြောက်ပိုင်းကိစ္စတွေကို
ကျနော်နဲ့ ဒေါက်တာနိုင်အောင် အေးအေးဆေးဆေး ပြောဖြစ်ကြပါတယ်။ ကျနော်တို့
အမြင်တွေ တူသည်ဖြစ်စေ၊ မတူသည်ဖြစ်စေ၊ ဆွေးနွေးခဲ့ကြပါတယ်။
ကိုမိုးသီးဇွန်ကတော့ ၁၉၉၈ ကာလ၊ ထိုင်းနယ်စပ်မှာကတည်းက
မြောက်ပိုင်းလူသတ်မှုအကြောင်း စကားစတိုင်း အပြောမခံခဲ့ပါ။ ဒါဟာ
ကျနော်တွေ့ခဲ့ရတဲ့ ABSDF ခေါင်းဆောင်နှစ်ယောက်ရဲ့ သဘောသဘာဝဖြစ်ပါတယ်။
ကျန်တဲ့ကိစ္စတွေ၊ စာရွက်စာတမ်းတွေကတော့ ကာယကံရှင်တွေကသာ ဆက်ပြီး
ဆွေးနွေးကြပါလိမ့်မယ်။ ဒီအပေါ်မှာ ကျနော့သဘောထား ဘာမှ မပေးချင်ပါ။
ဒေါက်တာနိုင်အောင်ရဲ့စာကို တွဲပြီး တင်ပြလိုက်ပါတယ်။
--- On Wed, 2/10/10, Naing Aung wrote:
From: Naing Aung dna_freeburma@yahoo.com
Subject: Re: Open Letter to Moe Thee Zun and Naing Aung [1 Attachment]
To: "Aung Moe Win" , "Than Win"
Date: Wednesday, February 10, 2010, 10:34 PM
Dear Ko Than Win,
If it is true that you are writing letters attacking Ko Moe Thee and me
and started to involve in non-sense and time wasting wrangling, here is
my first and last response.
First of all, I don't usually reply those letters written by those
based on their self claimed status and out of frustration. But I don't
want the ordinary people to hate more and more of 88 generation over
your furious over you are wrong and I am right, clean and clever.
If Moe Thee claimed the social event as political one, please talk to Ko
Moe Thee. I criticized him face to face, I don't attack in front of
the people who don't need to know.
Secondly, if you want to talk about history of ABSDF, please remember
what you have done to ABSDF. Don't you know that there are thousand of
ABSDF will point the fingers on you during your administration.
Thirdly, most of decisions of ABSDF were made by committee, I never
acted alone like you did. But I take the responsibility as chair of
ABSDF whether I agreed the decision or not. I still do.
Fourthly, I am not saying I am right all the time, people has rights
and wrongs. It is important to learn and correct. Whether you like it or
not, I am still working for the movement.
People like you who left ABSDF cannot tell that I have destroyed ABSDF. How many members left when I assumed Chairmanship?
You are the one who supported ko Moe Thee after the split even knowing what ko Moe Thee's behavior as you mentioned.
Do you know that Ko Moe Thee gave the permission to execute the spys in
northern before the split? We have kept all documents. In one day,
those will be explained to family but during the movement time, I have
only one enemy.
So i want you to get matured. Please swallow your personal guilty feeling and support in best way you can.
If you don't satisfy on what the people in the movement doing, please do
some constructive and positive works. Nobody can stop you if you are
doing good.
Please don't make the ordinary people to hate your revolution more than you did.
Please don't post this email without my authority.
best,
DNA
-----------------------------------------------------------
"မြောက်ပိုင်းဒေသမှ အရိုးတွန်သံများ ( အပိုင်း-၇-) " Aung Moe Win
ကိုထွန်းအောင်ကျော် ကျဆုံးအပြီး နောက်တနှစ် ၁၉၉၃ နှစ်ပတ်လည်နေ့မှာ၊
ကိုထွန်းအောင်ကျော်ကို လေးစားချစ်ခင်တဲ့ ရဲဘော်များနဲ့ သူ့မိသားစုတွေက
မန္တလေးမှာ နှစ်လည်ဆွမ်းကျွေးခဲ့ပါတယ်။ တချို့က ငွေကြေးအကူအညီပေးဖို့
ပိုက်ဆံကောက်ကြပါတယ်။ အကွက်ခြောင်းနေတဲ့ စစ်ထောက်လှမ်းရေးတွေကလည်း “ ဟာ
ဒီမိုကရေစီ လှုပ်ရှားမှုအတွက် တကယ်တန်ဘိုးရှိတဲ့ ခေါင်းဆောင် တယောက်
ကျဆုံးသွားတာ ဝမ်းနည်းစရာပဲ၊ ဂျီတီအိုင် ကျောင်းရှေ့မှာ သူ့ရဲ့ ရုပ်ထုကို
ထုပေးရမယ်” လို့ပြောဆိုပြီး သူတို့ကလည်း ငွေကြေးထည့်ချင်သလိုလို လုပ်ပါတယ်။
ကျောင်းသားတွေက “ စစ်ထောက်လှမ်းရေးတွေဟာ ကျောင်းသားလှုပ်ရှားမှု
အားနည်းချက်ကို အသုံးချပြီး သပ်လျှိုဖြိုခွဲ အပုပ်ချတော့မယ်” ဆိုတာကို
ရုတ်ချည်းနားလည်လိုက်ကြပါတယ်။ သူတို့တတွေပြောခဲ့တာရှင်းရှင်းလေးပါ။ “
စစ်ထောက်လှမ်ရေးတွေ ကြောင့် ကျောင်းသားတွေ တောခိုကြတယ်။
မဖြစ်သင့်တာတွေဖြစ်ခဲ့ ကြုံခဲ့ကြတယ်။ ဒါတွေအားလုံးဟာ
ရှင်တို့ကြောင့်ဖြစ်တာဖြစ်တယ်” လို့ ဆိုခဲ့ကြပါတယ်။ ပြောချင်တာက ကိုယ့်ရဲ့
ဒီမိုကရေစီရေးလှုပ်ရှားမှုတွေကို ကိုယ့်ဘာသာနာမည်ဖျက်ဖို့ ကြိုးစားချင်တယ်
ဆိုရင် ၊ ၁၉၉၃ ခုနှစ်ကတည်းက စစ်ထောက်လှမ်းရေးတွေပေးတဲ့အကူအညီကိုယူပြီး
လုပ်လို့ရပါတယ်။
ပြည်တွင်းကျောင်းသားလှုပ်ရှားမှု သမိုင်းကို မသိတဲ့တချို့သော ( လက်ချိုးရေ
လို့ရတဲ့) သူတချို့က “ ရန်သူ့လူတွေဟာ သမိုင်းကို ဗြောင်းပြန်လှန်ဖို့
ကြိုးစားနေတယ်” ဆိုတသွေးရူးသွေးတန်း စကားတွေကို လှုံ့ဆော်ကြည့်ပါတယ်။
မြောက်ပိုင်းလူသတ်မှုကြီးကို နဂိုကတည်းက ဘယ်သူမှန်တယ်။ ဘယ်သူမှားတယ် ဆိုတာ
သမိုင်းက ဆုံးဖြတ်ပြီးသားပါ။ ဥာဏ်ရှိတဲ့သူတွေက ဒီ အစုလိုက်အပြုံလိုက်
လူသတ်မှုဟာ ဘယ်လောက်အပြစ်ကြီးတယ် ဆိုတာသိလို့ ငြိမ်သက်နေကြတယ်။
လက်ဝင်မလျှိုကြဘူး။ ဥာဏ်မမှီတဲ့သူတွေသာ အဖွဲ့အစည်းကို ချစ်ဟန်ဆောင်ပြပြီး
လက်ဝင် လျှိုတယ်။ ကျောခြင်းကပ်ကြမယ် ဘာညာအော်နေကြတာ။
ကျောခြင်းကပ်ချင်သူများရဲ့ အရည်အချင်းတချက်လောက်ကြည့်ပါရစေ။
သမိုင်းဆိုးနဲ့အတူ မြေမြှုပ်ပေးလိုက်ပါ့မယ်။
လူသတ်မှုမှာ အဓိကတာဝန်ရှိသူတွေက သူတို့ကိုယ်တိုင်မဖြေရှင်းရဲ တဲ့အခါ ABSDF
ခေါင်းစဉ်ကို အကာအကွယ်ယူပြီး ကွေ့ဝိုက် ပြောဆိုဖို့ကြိုးစားတယ်။
လူတချို့ကတော့ လူတစုရဲ့ ယုတ်မာမှုကို အကြောင်းပြပြီး ABSDF ကို
တိုက်ခိုက်ဖို့ကြိုးစား ကြတယ်။ ဒီလုပ်ရပ်နှစ်ခုလုံးကို ကျနော်တို့က
သတိရှိဖို့လိုပါတယ်။
ကာယကံရှင်တွေဟာ သတ္တိရှိရှိ မဖြေရှင်းသရွေ့ အနာဂတ်မှာ ပိုမို မဲမှောင်တဲ့
လမ်းကြောင်းကိုသာတွေ့ရလိမ်မယ်။ တောင်ပြိုနေတာ၊ လက်ဖဝါးနဲ့ကာဖို့
မကြိုးစားစေချင်ပါ။
တကယ်တော့ ကျောင်းသားတပ်မတော်ရဲဘော်ဟောင်းတွေဟာ
သူတို့အဖွဲ့အစည်းရဲ့အလံတော်ကို သိက္ခာရှိရှိလွှင့်တင်ချင်လို့
ပုဂ္ဂိုလ်ရေးစာတွေပို့ ဖြေရှင်းခိုင်းနေတာ နှစ်ကြာနေပါပြီ။
ခေါင်းဆောင်လုပ်ခဲ့သူတွေက တာဝန်မဲ့လုပ်၊ ခံစားမှုမဲ့လုပ်ခဲ့ကြလို့ အခုလို
အဖြစ်ဆိုးကြီးဟာ အပြင်ကို ရောက်ရှိလာခဲ့ခြင်းဖြစ်တယ်။ ခုချိန်ကျမှ
ဘာလို့အရှိန်ပြင်းပြင်းဖောက်ခွဲကြသလဲဆိုရင် အဓိက အချက် (၃)
ချက်ရှိပါလိမ့်မယ်။
(က) ရော်နယ်အောင်နိုင်ရဲ့ မဆင်မခြင် အင်တာဗျူးများ
(ခ) ကိုထွန်းအောင်ကျော် တို့တတွေ ကျဆုံးခဲ့တာ အနှစ် (၂၀) ကြာ
(ဂ) ABSDF( မြောက်ပိုင်း) ပြန်လည်ဖွဲ့စည်းတဲ့အခါ လူသတ်သမား လှဆိုင်း တို့တတွေ ပြန်ပါနေတယ်။
စိတ်ကူးမယဉ်စေချင်ပါဘူး။ အပြစ်မဲ့ကျောင်းသားတွေကို လည်မျိုကို
ခုတ်ဖြတ်သတ်ခဲ့သူတွေဟာ တော်လှန်ရေးသမားတွေ မဖြစ်နိုင်သလို၊ သမိုင်းဆိုတာ
အချိန်တန်ရင် နေရာမှန်ကို ပြန်ရောက်သွားတဲ့ ကိစ္စတခုပဲဖြစ်ပါတယ်။ ABSDF (
မြောက်ပိုင်း) မှာ တာဝန်ထမ်းခဲ့ပြီး ကြောက်မက်ဘွယ်အဖြစ်ဆိုးကြီးကို
ကိုယ်တိုင်ကိုယ်ကျတွေ့ခဲ့တဲ့ “ရဲဘော်ကျော်ခိုင်ဝင်း” က ၂၀၀၈ ခုဝန်းကျင်မှာ
စာနှစ်စောင်ရေးဖွင့်ဟခဲ့တယ်။ ကာယကံရှင်တွေက ဘာမှ အကြောင်းမပြန်ခဲ့ဘူး။
ဖတ်ကြည့်ကြပါ မိတ်ဆွေ တို့..
ကိုအောင်နိုင်
ကျနော် ကျော်ခိုင်ဝင်း ပါ။ ကိုအောင်နိုင် မှတ်မိနေလိမ့်မယ် လို့
လုံးဝယုံကြည်ထားပါတယ်။ ကျနော်တို့ တောမခိုခင် မန္တလေး (အနကလ)၊ မိုးညှင်း
(အနကလ) နဲ့ အမရပူုရ(အနကလ) မှာ အတူတူလှုပ်ရှားခဲ့တာတွေ၊ ကျနော် တောခိုမဲ့ညက
ကိုအောင်နိုင်ရယ်၊ ကိုစိုးလင်းရယ်၊ ကိုမြင့်ကျော်ရယ် မန္တလေးမြောက်ပြင်က
ကိုမြင့်ကျော် တို့ ဦးလေးအိမ်မှာ နောက်ဆုံးအိပ်ခဲ့ကြတာကို ကိုအောင်နိုင်
မှတ်မိပါလိမ့်မယ်။ ကိုအောင်နိုင် ကို ကျနော်အရမ်းစကားပြောချင်ပါတယ်။
မေးလဲမေးစရာရှိပါတယ်။ တတ်နိုင်ရင် ကျနော့ကို ဆက်သွယ်ပေးပါ။
ကိုအောင်နိုင်ရဲ့ လက်အောက်မှာ တာဝန်ထမ်းဆောင်ခဲ့ကြတဲ့ ရဲဘော်တွေရဲ့
ဂုဏ်သိက္ခာကို၊ သူတို့ရဲ့ ခံစားမှုတွေကို ညှာတာထောက်ထားစွာဖြင့်
ကျနော်တို့နဲ့ရင်ဆိုင်ဖြေရှင်းပေးပါခင်ဗျား။
ကိုအောင်နိုင် ပြောသလို၊ သူတို့ဟာ ထောက်လှမ်းရေးတွေပါဆိုရင် ဘာလို့ ဘိုဘို (
မိုးကျော်သူ) ကို စစ်အစိုးရက ထောင်ဒဏ် အနှစ် (၂၀) ချထားရတာလဲ။ ကိုရာပြည့်
ဘာလို့ထောင်ထဲမှာ အသေဆိုးနဲ့သေခဲ့ရတာလဲ။ ကိုအောင်နိုင် တို့
ထောက်လှမ်းရေးဗိုလ်အဆင့် သတ်မှတ်ထားတဲ့ နန်းအောင်ထွေးကြည် အခုထိ
မြန်မာနိုင်ငံပြန်လို့မရတာလဲ။ ဖိုးကျော် ( မြွေဟောက်) တို့ ဒုက္ခသည်စခန်းကို
ပြန်ရောက်လာရတာလဲ။ ကိုရဲလင်း ဘာလို့ ထောင်ထဲပြန်ရောက်သွားရတာလဲ။
ကိုထိန်လင်း ဘာလို့ထောင်ထဲထည့်ခံရတာလဲ။ ကျနော်လည်း မြန်မာနိုင်ငံမှာ
ရှိတုံးက ခရီးထွက်တိုင်း ဘာလို့ ထောက်လှမ်းရေးကို သတင်းပို့နေရတာလဲ။
ဒါတွေအားလုံးပြောနေရင် ကုန်မှာလဲမဟုတ်ပါ။
ကိုအောင်နိုင် ပါးစပ်က ပြောနေတဲ့ စစ်အစိုးရ၊ အာဏာသိမ်းအစိုးရ၊
လူ့အခွင့်အရေးချိုးဖောက်တဲ့ အစိုးရ၊နိုင်ငံရေးအကျဉ်းသားတွေကို
နှိပ်ကွပ်တဲ့အစိုးရတောင်မှ ကိုအောင်နိုင်တို့လို လူသားတယောက်အပေါ်
မရက်စက်ခဲ့ပါ။ မညှင်းဆဲခဲ့ပါ။ မနှိပ်စက်ခဲ့ပါ။ လူ့အခွင့်အရေး
မချိုးဖောက်ခဲ့ပါဘူး။ အစုလိုက်အပြုံလိုက်၊ လည်ပင်းကို ဓါးနဲ့ခုတ်ဖြတ်
မစီရင်ခဲ့ပါဘူး။ အမျိုးသမီးတယောက် ( မခင်ချိုဦး) က သတ်ခံကာနီး
ငိုယိုတောင်းပန်တာတောင် ကိုယ်တုံးလုံးကို ရဲဘော်တွေအားလုံးရှေ့မှာ
ချွတ်ပြီး မပစ်သတ်ခဲ့ပါဘူး။ ကိုကျော်ဝေ လို ထင်းတုံးပေါ် ခေါင်းတင်ပြီး
ခုတ်ဖြတ်မသတ်ခဲ့ပါဘူး။ ကိုထွန်းအောင်ကျော်ရဲ့ ဗိုက်ပေါ်ကို
ရင်ဘောင်ကြမ်းတင်ပြီး မီးမရှို့ခဲ့ပါဘူး။ ဘိုဘို လိုမျိုး နှာခေါင်းကို
သံချိတ်နဲ့ချိတ်ပြီး နိုင်ငံရေးသမားတွေကို မစစ်ဆေးခဲ့ပါဘူး။
စစ်ကြောရေးမလုပ်ခဲ့ပါဘူး။ ရေခဲနေတဲ့ လိုင်စ် ( ပါဂျောင်) လို နေရာမျိုးမှာ
မြေကြီးထဲကို ကိုယ်တကိုယ်လုံးမြှုပ် တညလုံးခေါင်းလေးပဲဖေါ်ပြီး
မစစ်ဆေးခဲ့ပါဘူး။ နှိပ်စက်တာတွေ ပြောရင်ကုန်မှာ မဟုတ်ပါ။ ကျနော် လောဘတကြီး
နဲ့ ကိုအောင်နိုင်ကို တောင်းဆိုနေတာ မဟုတ်ပါ။ အေဘီ ရဲဘော်တွေ အားလုံးရဲ့
ဂုဏ်ကို ငဲ့ညှာသောအားဖြင့် မှားခဲ့ပါတယ် လို့ ကိုအောင်နိုင် ပါးစပ်ကနေ
ဝန်ချတောင်းပန်တာလေးတခုကိုပဲ အားလုံးက ကြားချင်နေကြတာပါဗျာ။ ဝန်ခံပေးပါ
ကိုအောင်နိုင်။ မှားခဲ့တယ်။ အဖွဲ့အစည်းအတွက် မှားခဲ့ပါတယ် လို့
ဝန်ချတောင်းပန်ပေးပါ ကိုအောင်နိုင်။ နောက်မှ စာဆက်ရေးပါအုံးမယ်
ကိုအောင်နိုင်
သင့်ရဲ့ ရဲဘော်ဟောင်း ကျော်ခိုင်ဝင်း
(ခေတ္တ ကိုရီးယား + ၈၂ ၁၀ ၃၅၁၁ ၁၁၃၉
+ ၈၂ ၇၀ ၈၁၈၂ ၀၃၆၀)
----------------------------------------------
(ယခု နေရပ်မှာ မိုးညှင်းမြို့ ကချင်ပြည်နယ်ဖြစ်ပြီး- ဖုန်း- ၀၉၄၉၃၀၁၈၀၁ ဖြင့်ဆက်သွယ်နိုင်ပါကြောင်း .......)
-------------------------------------------------
"ရဲဘော် ကျော်ခိုင်ဝင်းရဲ့ အစီရင်ခံစာ"
ABSDF (NB) တွင်တာဝန်ထမ်းဆောင်စဉ်၊ ကိုသံချောင်း၊ ကိုမျိုးဝင်း၊
ကိုအောင်နိုင် တို့မှ ကျောင်းသားတပ်မတော်ခေါင်းဆောင်
ကိုထွန်းအောင်ကျော်နှင့်တကွ၊ စစ်မှန်သော ကျောင်းသားရဲဘော်များအား
အချင်းချင်းသုတ်သင်ရှင်းလင်း ရက်စက်မှုများကာလ၊ ကိုယ်တွေ့မျက်မြင်
လူ့အခွင့်အရေးချိုးဖောက်မှုများမှာ အောက်ပါအတိုင်းဖြစ်သည်။
အေဘီတွင် ကိုသံချောင်း စစ်ရေးတာဝန်ခံ၊ ကိုမျိုးဝင်းအထွေအထွေအတွင်းရေးမှူး၊
အပတ်စဉ် (၅) သင်တန်းကာလတွင် တပ်တွင်းဆန္ဒပြမှုတရပ်ပေါ်ပေါက်ခဲ့ပါသည်။
တပ်တွင်းခေါင်းဆောင်များဦးဆောင်မှုညံ့ဖျင်းသည့်
အဓိကအကြောင်းအရာဖြစ်ခဲ့ပါသည်။ ထိုအချိန်ကာလတွင် ကိုထွန်းအောင်ကျော်၊
ကိုအောင်နိုင်၊ ကိုစိုးလင်း၊ ကိုညီဂျော် စသည့် ကျောင်းသားခေါင်းဆောင်များ
ရောက်ရှိလာပြီး ထိုရောက်ရှိလာသော ကျောင်းသားခေါင်းဆောင်များအား
တပ်တွင်းရှိရဲဘော်များက အားပေးထောက်ခံကြပါသည်။
ထို့နောက်တပ်တွင်းခေါင်းဆောင်နေရာများအတွက် ရွေးကောက်ပွဲလုပ်ပြီး
ခေါင်းဆောင်တင်ကြသည့်အခါတွင် ကိုမျိုးဝင်းသည်
လူကြိုက်အနည်းဆုံးသူတယောက်ဖြစ်ခဲ့ပါသည်။ ထိုအချိန်မှစပြီး
ကိုမျိုးဝင်း၏အတွင်းစိတ်တွင် အမှတ်အငြိုးတေးဖြစ်လာခဲ့ပါသည်။
သူ၏အာဏာပါဝါလျော့ကျသွားခြင်းဖြစ်ပါသည်။ သို့သော် ကိုမျိုးဝင်းအား
အသစ်ဖွဲ့စည်းသော ကျောင်းသားတပ်မတော်ဖွဲ့စည်းပုံတွင်
တွဲဘက်အထွေထွေအတွင်းရေးမှူးအဖြစ် ပြန်လည်ခန့်လိုက်ခြင်းသည်
ကျောင်းသားတပ်မတော်ပြိုကွဲရန် အောက်ပါဖြစ်ရပ်မှန် ရက်စက်မှုများ၏
အစပင်ဖြစ်ပါတော့သတည်း။
ထိုအသစ်ဖွဲ့စည်းသော ကျောင်းသားတပ်မတော်တွင် ကိုအောင်နိုင် သည် အဖွဲ့အတွက်
အလွန်အရေးပါသော အထွေထွေအတွင်းရေးမှူးရာထူးကို လက်ခံရယူထမ်းဆောင်ခဲ့ပါသည်။
အထက်ပါကဲ့သို့ ဖွဲ့စည်းပုံအသစ်ဖြင့် ကျောင်းသားတပ်မတော်သည်
အင်အားခိုင်မာကျစ်လစ်စွာ နယ်မြေခံလူထုအားပေးထောက်ခံမှု အားကောင်းစွာ
အရှိန်အဟုန် ကောင်းနေစဉ်တွင် တပ်တွင်းရဲဘော်တယောက်ဖြစ်သော
တပ်သားစိုးမင်းအောင် တပ်မှထွက်ပြေးခဲ့ပါသည်။ ထိုတပ်ပြေးစိုးမင်းအောင်
အားတရုပ်ပြည် ရင့်ကျန်းမြို့တွင် ပြန်လည်ဖမ်းစည်းရရှိမိကာ
ရိုက်နှက်နှိပ်စက် စစ်ကြောပြီး အစိုးရထောက်လှမ်းရေးဟု
အတင်းအကြပ်ဝန်ခံခိုင်းခဲ့ပါသည်။ စိုးမင်းအောင်မှ တဆင့်
ကျောင်းသားတပ်မတော်တွင်းရှိ အခြားသော ကျောင်းသားတပ်မတော် တွင်းရှိ
အခြားသောကျောင်းသားများ၏အမည်ကို မေးကာ ထိုကျောင်းသားများသည်လည်းပဲ
ထောက်လှမ်းရေးဖြစ်ပါသည်ဟု မဝန်ခံမခြင်း လူမဆန်စွာ လူ့အခွင့်အရေးကို
အစွမ်းကုန်ချိုးဖောက်ကာ ကိုသံချောင်းနှင့် အပေါင်းပါများက သေသည်အထိ
ညှင်းပမ်းနှိပ်စက်ခဲ့ကြပါသည်။
ထိုမှတဆင့် ကိုမျိုးဝင်းသည် သူ့အား အပတ်စဉ် (၅) သင်တန်းကာလ
ဆန့်ကျင်ခဲ့သူများအား နှိပ်ကွပ်ရန် အကွက်မြင်သွားပြီး သူ့အား
အတိုက်အခံလုပ်ခဲ့သူများကို ထောက်လှမ်းရေးဟု စွပ်စွဲကာ
အစုလိုက်အပြုံလိုက်ဖမ်းဆီးပြီး ပြောပြမကုန်နိုင်လောက်သော
ညှင်းပမ်းနှိပ်စက်မှု မျိုးစုံဖြင့် သေသည်အထိလည်ကောင်း၊
မသေမရှင်ဖြစ်သည်အထိလည်ကောင်း၊ လူလုံးမလှတော့သည်အထိ လည်ကောင်း၊ ယုတ်စွအဆုံး
မိန်းခလေးများဖြစ်သော အဖမ်းခံထောက်လှမ်းရေးဟု အစွပ်စွဲခံ မငယ် (
နန်းအောင်ထွေးကြည်)၊ မခင်ချိုဦး တို့၏ မိန်းမ အင်္ဂါထဲသို့ပင်
ရှာဖွေစစ်ဆေးကာ အမျိုးသမီးတို့၏ အခွင့်အရေးကိုပါ ချိုးဖောက်ပြီး
စစ်ကြောရေးကြီးကို စတင်ခဲ့ပါသည်။ ညှင်းပန်းနှိပ်စက်
လူ့အခွင့်အရေးချိုးဖောက်ခဲ့မှုများနှင့် ညှင်းပမ်း နှိပ်စက်ခံခဲ့ရသူများကို
ကျွန်တော်သည် အောက်ပါအတိုင်း ကိုယ်တွေ့မျက်မြင် မိမိအရှေ့တွင်
မျက်ဝါးထင်ထင် မြင်ခဲ့ရသည်ကို နှိပ်စက်ခံရခဲ့သော လူအမည်များဖြင့်တကွ
ဖေါ်ပြထားပါသည်။
ကိုထွန်းအောင်ကျော် ( မန္တလေး)
သံပြားအားမီးဖုတ်ပြီး ပေါင်ခြေသလုံးထံ ကပ်ထားခြင်း၊ ဗိုက်ပေါ်သို့
ကတ္တရာစီးပြားများကို မီးရှို့၊ အစက်ချ မီးမွှေးခြင်း၊ သံချောင်းများကို
မီးဖုတ်ခါ၊ ပေါင်အတွင်းသို့ ထိုးသွင်းခြင်း၊
စိတ်ဓါတ်ပျက်ပြားခြောက်ခြားစေရန်၊ ကိုကျော်ဝေကို ထင်းတုံးပေါ်တင်ပြီး
ခေါင်းဖြတ်သတ်ထားခါ၊ ထိုခေါင်းပြတ်မှ၊ ပန်းထွက်နေသော သွေးများကို၊
သောက်ခိုင်းခြင်း၊ ကိုချိုကြီး၏ လက် ကို လက်ကောက်ဝတ်မှ ခုတ်ပြတ်သော်လည်း၊
ခုတ်ချက်မမှန်ကာ၊ လက်ဝါးအရင်းပိုင်းမှ ပြတ်ထွက်ခါ၊ ( လက်မ တချောင်းထဲပင်
ကျန်ထားပါသည်)၊ ထိုလက်ပြတ်အား ကိုက်ထားခိုင်းခြင်း၊
ခေါင်းဖြတ်သတ်ခံရချိန်ထိ၊ ဒုတ်ကောက်ဖြင့်သာလမ်းလျှောက်နိုင်ပြီး၊
အသတ်ခံလိုက်ရချိန်တွင်၊ ခေါင်းမပြတ်သဖြင့်၊ ပြန်ထလာသည်ကို၊
ပေါက်ပြားနောက်ဖင်ဖြင့်၊ ရိုက်ချ သတ်ခံရပါသည်။
ကျော်ကျော်မင်း (မုံရွာ)
သေဒဏ်ချမှတ်လိုက်သည်ဟု အမိန့်စာပြန်သောအခါတွင်၊ အောက်ပိုင်း ရုတ်တရက်သေ၊
မိမိကိုယ်မှ သေးထွက်မှန်းကို မိမိမသိသည်အထိ၊ ထိတ်လန့်ခါ၊
ခေါင်းဖြတ်မည့်နေရာသို့ တွဲခေါ်ယူခဲ့ရပါသည်။
(၂) ကိုချိုကြီး ( မန္တလေး)
စစ်ဆေးရေးကာလတွင် ဗိုက်ပေါ်တွင် မီးရှို့ခံရခြင်း၊ လက်ဝါးကပ်တိုင်တွင်
လက်များကို သံချောင်းဖြင့် ရိုက်နှက်စစ်ဆေးခံရခြင်း၊ ကိုကျော်ဝေအား
ခေါင်းဖြတ်သည့်နေ့တွင် လက်ဝါးအရင်းပိုင်းမှ ခုတ်ဖြတ်ခံရခြင်း၊
ခေါင်းဖြတ်သည့်အခါတွင်၊ ထူးခြားစွာဖြင့် တည်ငြိမ်စွာ ခုတ်ဖြတ်ခံသွားပါသည်။
မောင်မောင်ကြွယ် ( ရန်ကုန်) ဒေါ်ချိုချိုကျော်ငြိမ်း၏ မွေးစားသားဟုဆိုသူ
အပတ်စဉ် (၅) ကာလတွင်၊ ကိုမျိုးဝင်းအား အများဆုံးဝေဖန်ခဲ့သူဖြစ်သည်။
မိမိ၏ပါးစပ်အား တိတ်ဖြင့်ကပ်ခါ၊ ကိုမျိုးဝင်း ကို အသံတိတ်ဆန္ဒပြခဲ့သည်။
ကျောင်းသားတပ်ထောက်လှမ်းရေးများ၏ ( အထူးသဖြင့် ကိုမျိုးဝင်းမှ
ညှင်းပမ်းနှိပ်စက်ခဲ့) ခေါင်းဖြတ်သတ်ခံခဲ့ရပါသည်။
တူးတူး ( မြစ်ကြီးနား)
ခေါင်းဖြတ်ခံနီးတွင် ဆုတောင်းခိုင်းသောအခါ၊ မည်သည့်စကားတလုံးမှ မဆိုပဲ၊ ခေါင်းဖြတ်သတ်ခံရ၊
ကိုလှမြင့် ( တပ်ကုန်း)
ခေါင်းဖြတ်သတ်ခံရချိန်ထိ၊ မိမိမှာ ထောက်လှမ်းရေး မဟုတ်ကြောင်း၊ ပြင်းထန်စွာငြင်းဆန်သွားပါသည်။
ရန်အောင် ( ရန်ကုန်)
ခေါင်းဖြတ်သောအခါ ပြန်ထလာသဖြင့်၊ ရင်ဘတ်အား သေနတ်ဘက်နက် ဖြင့် ထိုးသတ်ခံရ၊
အောင်ဖိုး ( ရန်ကုန်)
ကိုသံချောင်း၊ ကိုမျိုးဝင်း၊ ကိုအောင်နိုင်တုိ့မှ ကော်မတီဝင်များနေထိုင်ရာ
တည်းစခန်းရှေ့သို့ခေါ်ယူပြီး ခြေထောက်တွင် မိုင်းအပျော့စားကပ်ပြီး၊
မိုင်းခွဲခါ ခြေဖြတ်ခံရ၊ ( ထိုမိုင်းခွဲပွဲတွင်) မငယ် ( နန်းအောင်ထွေးကြည်)
အပါအဝင် နှိပ်စက်ခံခဲ့ရသော်လည်း၊ ကံကောင်းထောက်မစွာ၊
လက်မိုင်းခွဲမခံခဲ့ရ၊ နောက်ပိုင်းတွင် ထိုခြေပြတ်ဘဝနှင့်ပင်၊
ခေါင်းဖြတ်သတ်ခံရပါသည်။
ဋ္ဌေးမြင့်ဝင်း ( ရန်ကုန်)
အပတ်စဉ် (၅) သင်တန်းကာလ၊ တပ်တွင်းဆွေးနွေးပွဲတွင်၊ ကိုမျိုးဝင်းအား
ပြင်းထန်စွာ ဝေဖန်ခဲ့သဖြင့်၊ ခေါင်းဖြတ်သတ်ခါနီးတွင်၊ ကိုမျိုးဝင်းမှ၊ “
ဟေ့ကောင် မင်း ငါ့ကို အပတ်စဉ် (၅) တုံးက ပြောသလို ပြောနိုင်သေးလားဟု
အငြိုးကြီးစွာ မေးခဲ့သည်ကို ကျနော်ကိုယ်တိုင်နားဖြင့်ကြားရပြီး၊
ဋ္ဌေးမြင့်ဝင်းမှ သေနတ်နှင့် ပစ်သတ်ပေးရန်တောင်းဆိုသဖြင့်၊ သေနတ်ဖြင့်
ပစ်သတ်ခံရပါသည်။
မခင်ချိုဦး ( ရန်ကုန်)
အသတ်ခံရခါနီးတွင်၊ ငိုယိုရှိခိုး တောင်းပန်သော်လည်း၊ ရဲဘော်များအားလုံးရှေ့တွင် ကိုယ်တုံးလုံးချွတ်ပြီး၊ သေနတ်ဖြင့် ပစ်သတ်ခံရပါသည်။
ကိုကျော်ဝေ ( မန္တလေး)
ဦးခေါင်းအား ထင်းတုံးပေါ်တင်ပြီး၊ ကိုမျိုးဝင်းမှ ခေါင်းဖြတ်သတ်ခဲ့ပါသည်။
အသတ်မခံရသေးချိန်တွင်၊ တောင်းပန်သေးသော်လည်း အသတ်ခံရမည်ကို သိသောအခါ၊
ဓမ္မစစ် ကျောင်းသားကွ၊ မင်းတို့ သတ်လို့ ငါသေပေမဲ့၊ ငါ့ဝိညာဉ်မသေဘူးကွ၊
ကျော်ဝေ- ဓမ္မစစ် ကျောင်းသားကွ၊ သတ်လိုက် ရတယ် လို့ အော်ဟစ်သွားခဲ့ပါသည်။
စစ်ကြောရေးကာလတွင်လည်း မိုင်းခွဲပွဲတွင် လက်ကို မိုင်းခွဲခံရခါ
လက်ဖြတ်ပစ်ရသူဖြစ်ပါသည်။
ပြည်စိုးနိုင် ( ရန်ကုန်)
ညတွင်းချင်းပင် ဖမ်းဆီးခံရခါ၊ လိုင်စင် ကဲ့သို့ ရေခဲသောအရပ်တွင်
မြေကြီးထဲတွင် ကိုယ်ကို မြှုပ်ခါ၊ ခေါင်းလေးသာ ဖေါ်ထားပြီး
နှိပ်စက်ခဲ့ပါသည်။ ဘုန်းနှိမ့်စေရန် မခင်ချိုဦးအား ခေါင်းပေါ်သို့ ကျော်ခွ
ခိုင်းခဲ့ကြသည်။ ထို့နောက် ဥနှောက်အမြေးပါးယောင် ရောဂါအခံရှိသော
ပြည်စိုးနိုင် သည် ဦးခေါင်းကို ရိုက်နှက်ပါ များသည့်အတွက်၊
မနက်ရောက်သောအခါ၊ စစ်ဆေးရင်းသေဆုံးသွားခဲ့ရပါသည်။
မခင်ချိုဦးနှင့်လည်းဖောက်ပြန်နေသည် ဟု စွပ်စွဲခံခဲ့ရပါသည်။
မငယ် (ခ) နန်းအောင်ထွေးကြည်၊ ရန်ကုန်
သူမ၏ ချောမောသော ရုပ်ရည် ပျက်စီးသည်အထိ မီးဖိုထဲမှ မီးစွဲလောင်နေသော
ထင်းချောင်းဖြင့် မျက်နှာအား အထိုးခံခဲ့ရသည်။ သေဒဏ်စာရင်းတွင်ပါသော်လည်း
ကံကောင်းထောက်မစွာ အသက်မသေခဲ့ပါ။
နန်းစော ( ဗန်းမော်)
သူမ၏ လက်မသည် ကျိုးကျေသွားပြီး ယ္ခုတိုင် ကွေးဆန့် မရတော့သည့်တိုင်အောင်
ဝါးဆစ်ပိတ်ဝါးဖြင့် အရိုက်ခံခဲ့ရသည်။ ကိုအောင်နိုင် တို့ ထောက်လှမ်းရေးဟု
စွပ်စွဲထားသော နန်းစော သည် ယ္ခုအခါ စက်တင်ဘာ အရေးအခင်းမှစပြီး
လိုက်လံဖမ်းဆီးခံနေရသဖြင့် ပြည်တွင်းတွင် မိန်းခလေးတန်မဲ့
ထွက်ပြေးတိမ်းရှောင်နေရသည်။ ( ယ္ခုအခါ ထိုင်းနယ်စပ်သို့ရောက်ရှိနေပါပြီ)
ကိုထိန်လင်း ( ဟင်္သာတ)
ညလုံးပေါက် ရိုက်နှက်စစ်ဆေးပြီး အဆိပ်ရည် ပုလင်းထုတ်ပေးရန် စစ်ဆေးခဲ့၊
မိုးလင်းသောအခါ စစ်ဆေးတာ မခံနိုင်သဖြင့် သူပန်းချီဆွဲသောအခါ အသုံးပြုသော
ပန်းချီဆေးရည်များကို ထုတ်ပေးခဲ့ရ၊ ထိုဆေးရည်များဖြင့် သူ၏မျက်နှာကို
လောင်းချ သုတ်လိမ်းခံခဲ့ရ၊ ကိုယ်ပေါ်သို့လည်း လောင်းချခံခဲ့ရပါသည်။
ပြန်လည်လွတ်မြောက်လာသော်လည်း စစ်အစိုးရမှ ကိုအောင်နိုင်တို့ထောက်လှမ်းရေးဟု
ယူဆခဲ့သူများကို ပြန်လည်ထောင်ချခဲ့ပါသည်။
ဘိုဘို (မိုးကျော်သူ)
နှာခေါင်းတွင် သံချိတ်ဖြင့် ချိတ်ဆွဲကာ အဖောက်ခံခဲ့ရ၊ ယခုအချိန်ထိ
ကိုနိုင်အောင်တို့ထောက်လှမ်းရေးဟု အစွပ်စွဲခံရသော သူသည် မန္တလေး
အကျဉ်းထောင်တွင် ထောင်ဒဏ် အနှစ် (၂၀) ချမှတ်ခံထားရသည်။ ( ယခု
ပြန်လည်လွတ်မြောက်လာပြီး ပြည်တွင်းတွင်)
--------------------------------------------------------------------
”မြောက်ပိုင်းကျောင်းသားတပ်မတော်တွင်
ဖမ်းဆီးခံရသော သူလျှိုများနှင့်ပတ်သက်ပြီးကျောင်း သားတပ်မတော်
ဥက္ကဌ(ဒေါက်တာနိုင်အောင်)၏ ၁၉၉၂ခုနှစ် တွင် ပြုလုပ်သော သတင်းစာရှင်းလင်းပွဲ
။”
ကချင်ပြည်နယ်ကို တလသွားရောက်သွားခဲ့ပြီးနောက်
စစ်အာဏာရှင်အစိုးရ၏ရက်စက်မှုကို ယခင်က ထက်ပိုပြီး ခါးသီးမုန်းတီးမိပါသည်။
မြောက်ပိုင်းတွင်ဖမ်းဆီးခံရသူတို့ ၏ ထွက်ဆိုချက်များ သက်သေခံ ပစ္စည်းများကို
ဖတ်ရှုခဲ့ရပါသည်။
အထူးသဖြင့် နအဖ၏ အဓိက
ဖိနှိပ်ရေးယန္တရားတခုဖြစ်သောအမျိုးသားထောက်လှမ်းရေးဗျူရိုတွင်အဓိက
တာဝန်ရှိပါသည်။ အတိုက်အခံအဖွဲ
့များအကြားသပ်လျှိုရန်၊အထင်အမြင်မှားစေရန်အတွက် စနစ်တကျ
စီမံထားသောအစီအမံများစီမံထားပြီးဖြစ်သည်။ နအဖသည်သတင်းပေးများ
ထောက်လှမ်းရေးများကို ရည်ရွယ်ချက်မျိုး စုံဖြင့် အသုံးချခဲ့သည်။
ကျောင်းသားတပ်မတော်သည်အဓိကပစ်မှတ်တခုဖြစ်လာခဲ့သည်။ သူလျှိုများကို
ရေလှိုင်း(water wave) စီမံကိန်းဟုအမည်ရသောစစ်ဆင်ရေး
ဖြင့်စေလွှတ်ခဲ့ခြင်းဖြစ်သည်။ရည်ရွယ်ချက်မှာ
-အဖွဲ့ အတွင်း တည်ငြိမ်မှုပျက်ပြားစေရန်
-ထောက်ပံ့သည့်အုပ်စုနှင့် မဟာမိတ်အဖွဲ့ များအကြား နားလည်မှုလွဲမှားစေရန်
-စိတ်ဓာတ်ကျပြီး လက်နက်ချလာစေရန်
-အတိုက်အခံခေါင်းဆောင်များကိုသုတ်သင်ရန် ဖြစ်သည်။
အပြီးသတ် ဆောင်ရွက် ရမည့်နေ့ မှာ အမျိုးသားညီလာခံကျင်းပနေမည့် ၁၉၉၂
နှစ်ကုန်ပိုင်းတွင်ဖြစ်သည်။ တချို့ အဖွဲ့  များက အမျိုးသားညီလာခံမတိုင်မှီ
လက်နက်ချရန်နှင့် ကျန်ရှိသော အဖွဲ့ များက အမျိုးသား ညီလာခံအပြီး
အထွေထွေလွတ်ငြိမ်းချမ်းသာခွင့် ပေးသည့်အချိန်တွင် လက်နက်ချရန်ဖြစ်သည်။
(သူလျှိုအုပ်စု၏ခေါင်းဆောင်များသည် အမျိုးသားညီလာခံကို ၁၉၉၂
နှစ်ကုန်ပိုင်းတွင် ကျင်းပမည်ကို သိရှိကြပြီးဖြစ်သည်။ )
အထွေထွေလွတ်ငြိမ်းချမ်းသာခွင့်ပြီးနောက်ကျန်ရှိသော အဖွဲ့ မှာ စစ်တပ်၏ ချေ
မှုန်းခြင်းကိုခံကြရမည်ဖြစ်သည်။
သူလျှို ၁၅ ဦးကို သုတ်သင်ခဲ့မှုအပေါ်လုပ်ပိုင်ခွင့် နှင့်
ပတ်သက်ပြီးထပ်မံအငြင်းမပွားလိုတော့ပါ။ ဆုံးဖြတ် ချခဲ့သည့်ဖြစ်စဉ်တွင်
ဗဟိုကော်မတီအနေဖြင့် မပါဝင်ခဲ့သော်လည်း ဗဟိုကော်မတီ၏ကိုယ်စား
ကျနော့်တွင်တာဝန်ရှိပါသည်။ ကျနော်တို့ အနေဖြင့်ကျန်ရှိသည့်
သူလျှိုများနှင့်ပတ်သက်၍ အပြု သဘောဆောင်ပြီးဖြေရှင်းလိုကြောင်း
နိုင်ငံတကာကို ရှင်းလင်းလိုပါသည်။
လက်တလော ABSDF(Nothern)၊(KIO) တို့ နှင့်ကျနော်ဆွေးနွေးခဲ့ပြီး အောက်ပါဆုံးဖြတ်ချက်များကိုချခဲ့ပါသည်။
၁။ အေဘီအက်စ်ဒီအက်ဖ်သည် ကျန်ရှိသည့် သူလျှိုများကို သေဒဏ်ပေးတော့မည်မဟုတ်။
၂။သဘောထားပြောင်းလဲ၍ ကျနော်တို့ ၏လှုပ်ရှားမှုတွင် ပါဝင်လိုသူများကို အဖွဲ့ ဝင်အဖြစ် လက်ခံမည်။
၃။ အဖွဲ့ ဝင်အဖြစ် ကျနော်တို့ မှ လက်မခံသောသူများကို ၄င်းတို
့၏လုံခြုံရေးနှင့် အနာဂတ်အတွက် နိုင်ငံတကာအဖွဲ့ အစည်းများသို
့လွှဲပြောင်းပေးသွားမည်။ ထို့ အတွက် နိုင်ငံတကာအဖွဲ့ အစည်းများနှင့်
ဒီမိုကရေစီအစိုးများအနေဖြင့် မြန်မာပြည်ဒီမိုကရေစီအပြောင်းအလဲများ
ဖြစ်ချိန်ထိ လက်ခံထားရန် မေတ္တာရပ်ခံပါသည်။
အကယ်၍ မြန်မာပြည်ပြင်ပတွင် ထိုသူလျှိုများကို လက်ခံထားနိုင်ရန်
အနေအထားမရှိပါက တနှစ်ထိန်း သ်ိမ်းပြီးနောက် ၄င်းတို့ ၏မိဘ(သို
့မဟုတ်)ဆွေမျိုးသားချင်းတို့ ၏ အာမခံချက်ဖြင့် ပြန်လွှတ်ပေးမည်ဖြစ် သည်။
သူလျှိုများကို ရန်သူအဖြစ် သတ်မှတ်ဆက်ဆံရန် သဘောထားရှိသော်လည်း၊ ၄င်းတို
့သည် စစ်အာဏာ ရှင်စနစ်၏သားကောင်များဖြစ်သည်ဟု ကျွန်ုပ်တို့ လက်ခံသည်။ ထို
့ကြောင့် ကျနော်တို့ သည် ရေရှည် အကျိုးစီးပွားနှင့်
လူသားချင်းစာနာထောက်ထားမှု ကို မျှော်ရှုပါသည်။ သူလျှိုများ၏
ထွက်ဆိုချက်များနှင့် အသေးစိတ်အချက်အလက်များကို
ဆက်လက်ထုတ်ပြန်သွားမည်။နိုင်ငံတကာအဖွဲ့ အစည်းများနှင့် အစိုးရများအနေဖြင့်
သူလျှိုများ၏အနာဂတ် အခြေချနေထိုင်ရေးအတွက်
နည်းလမ်းဝိုင်းဝန်းရှာဖွေပေးကြရန် ကျနော်တို့ အနေဖြင့် မေတ္တာရပ်ခံပါသည်။
လေးစားစွာဖြင့-်
ဒေါက်တာနိုင်အောင်
ဥက္ကဌ
ဗဟိုကော်မတီ
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး
-----------------------------------------------------------------
"Press Release by Dr .NAING AUNG ,the Chairman of ABSDF Concerning with
the spies of those arrested in Northern ABSDF "(may 31,1992)
After visiting to Kachin State for a month, I have suffered bitterness
of brutality of dictatorial regime more than before. I read the
sincerely statement and listen the testimony of those detained in
Northern State.
Especially, National Intelligence Bureau of Burma, the main oppressed
machinery of SLORC, is the main responsible for the turmoil and
anarchist elements of 8888 uprising. They have well concrete planning
to seek the confusing and disunity among the opposition to get upper
hand. They use the people as the informers and intelligence by
inserting various means and pressure. The main target are prominent
leaders and main opposition group.
___of their strategy, the ABSDF become main target to be infiltrated,
those spies are send under operation named “Water wave”. Their section
are:
-To create instability within the organizations.
-To control the higher posts.
-To make misunderstanding with the allied organizations and supporting group.
-To have depression to surrender, and
-To assassinate their strong opponents.
The deadline for the target is the end of 1992, which will be time
convening the National Convention. Some groups have to surrender before
National Convention and they push hard remaining group to surrender at
General Amnesty which will be held in the aftermath of National
convention.
(The spies group leaders have already known the fact that the National
convention will be convene at the end1992.) The remaining group after
amnesty will be crashed down by intensive military offensive.
I have no more dispute about the righteousness to execute 15 spies.
However, I myself, on behalf of the central committee, have the
responsibilities for that even though there was no participation by
central committee on decision process. We would like to explain to
international community that we must have more intention to solve the
future of remaining arrested spies in constructive ways.
Recently, I have discussed with the northern committee of ABSDF and
leaders from Kachin Independence Organization (KIO) and decided the
following resolution.
ABSDF is not to give death penalty to those remaining spies.
Those who the attitude and stance toward our movement are to be accept as ordinary member.
For the spies whom cannot be accept by us will be transferred to the
international organization for their safe and future. For that ABSDF
has to appeal to the international organization and democratic
governments to accept those spies until Burma has democratic change.
If there is no place nor condition to accept those spies outside Burma,
they will be released after one year detainment with guarantee of
their parents or relatives.
Even we have the attitude to behave them as enemies; we accept those
person are victims of brutal dictatorial system. This is why we are
looking forward for the long term benefits and humanitarian concepts.
And we continue to elicit the detail documents and statement of the
spies soon.
Therefore, we would like to appeal to the international organizations
governments to find the way for the future of those spies and give us
cooperation based on understanding toward us.
With best regards,
Signed
31st May, 1992
Dr Naing Aung
Chairman
Central committee
ABSDF
--------------------------------------------------------------------
”မြန်မာစစ်ထောက်လှမ်းရေးဟု အစွပ်စွဲခံရသော (၁၅) ဦးကို သတ်ဖြတ်မှုနှင့် ပတ်သက်ပြီး ABSDF မှ သဘောထားထုတ်ပြန်ကြေငြာချက်” (ABSDF led by Moe Thee Zune)
၈ရက်၊မတ်လ၊ ၁၉၉၂
ပြည်တွင်းပြည်ပရှိ ဒီမိုကရေစီအင်အားစုများနှင့် ကျောင်းသားတပ်မတော်၏
ညီညွတ်မှုကိုအလေးထားသောအားဖြင့်ဦးစွာ(ကျနော်တို့ သည်)
ကျောင်းသားတပ်မတော်နှစ်စုကွဲသွားပြီဖြစ်ကြောင်းကို ၀မ်းနည်းစွာအသိပေးပြီး
ယခု ကြေငြာချက်ကိုထုတ်ပြန်ရပါသည်။
သို့ သော် မြန်မာပြည်ဒီမိုကရေစီရေး တိုက်ပွဲကို ထောက်ခံစာနာနားလည်ပေးသော
ပြည်တွင်းပြည်ပအင် အားစုများ၏အရည်အသွေးကို
နိမ့်ကျတန်ဖိုးမဲ့စေသောအကြောင်းရင်းများကို ဖြေရှင်းရန်ဆန္ဒထားပြီး ဒီမို
ကရေစီတော်လှန်ရေး ရေရှည်အကျိုးစီးပွားရေးကို ဦးထိပ်ထားသော (ကျနော်တို
့သည်) ABSDF ကျောင်း သားတပ်မတော်၏ မူရင်းအခြေခံဥပဒေတွင်
ဗဟိုကော်မတီအဆင့်ထက် အဆင့်နိမ့်သောလက်အောက် စခန်းများ၊
တပ်ရင်းများတွင်လူသတ်အပြစ်ပေးခြင်းအား တားမြစ်ထားသောအချက်ကို ထောက်ပြ
သုံးသပ် ရမည်ဖြစ်သည်။
မြန်မာပြည်သားတို့ ၏ လူ့ ဂုဏ်သိက္ခာ၊လူသားဘ၀၊လူ့ တန်ဖိုး နှင့် လူ
့အခွင့်အရေးများကို(ကျနော်တို့  သည်) တန်ဖိုးထားသောကြောင့်
လူအချင်းချင်းရက်စက်ကြမ်းကြုတ်စွာ၊လူမဆန်စွာနှိပ်စက်ဖျက်ဆီး၊ ဂုဏ်
သိက္ခာမဲ့စေသောဆက်ဆံခြင်း၊အပြစ်ပေးခြင်းများကို ဆန့် ကျင်ရမည်ဖြစ်သည်။
လူအချင်းချင်း ရက်စက်ကြမ်းကြုတ်စွာ လူမဆန်စွာနှိပ်စက်ခြင်း၊
ဂုဏ်သိက္ခာမဲ့စေသောဆက်ဆံခြင်း၊ အပြစ် ပေးခြင်းများကို ဆန့် ကျင်ပြီး ထိုသို
့ဆက်ဆံခံရသူများအား ကာကွယ်စောင့်ရှောက်မှုပေးသော ကုလ သမဂ္ဂ၏
အထွေထွေဆုံးဖြတ်ချက်အမှတ် -၃၄၅၂(၁၉၇၅ ခုနှစ်၊ဒီဇင်ဘာ ၉ရက်)ကို
ကျနော်ထောက်ခံသည်။ ကျောင်းသားတပ်မတော်အဖွဲ့ ဝင်အားလုံး
သဘောတူညီမှု၊နားလည်မှုမပါပဲ သူလျှိုဟုစွပ်စွဲခံရသူများအား
သတ်ဖြတ်ခြင်း၊အရေးယူခဲ့သော ကိစ္စနှင့်စပ်လျဉ်း၍ တခြားအောက်ခြေရဲဘော်များ
လုံခြုံရေးကိုပါ ကျနော် တို့ အထူးစိုးရိမ်ကြောင်း ပြောကြားလိုသည်။
ဘန်ကောက်နေးရှင်းသတင်းစာ( မတ်လ ၁၊ ၁၉၉၂) အရသူလျှိုဟု စွပ်စွဲ၍ အသတ်ခံရသော
လူ ၁၅ ယောက်တွင် အမျိုးသမီးရဲမေ တဦးပါဝင်ခဲ့ခြင်းနှင့် သက်ဆိုင်ပြီး
(အောင်ထူး-ယခု BLC ထုတ်ပြန်သော March 1, 1992 ကြေငြာချက်)တွင်
အတည်ပြုခဲ့ပါသည်။
ကျနော်တို့ သည် လက်ရှိကျောင်းသားတပ်မတော်မြောက်ပိုင်း အကျဉ်းထောင်တွင်
ဆက်လက်ဖမ်းဆီး ထား သော လူ ၆၅ ဦးကို ညှင်းပမ်းနှိပ်စက် တရားစီရင်ခြင်းများ
ချက်ခြင်းရပ်တန့် ရန် ကျနော်တို့ မှ တောင်း ဆိုလိုက်ပါသည်။
အလားတူပင် DAB အဖွဲ့ ဝင်များကလည်း အားလုံးအတည်ပြုထောက်ခံသည့် DAB
တရားစီရင်မှုများကို စံထား၍(ဖြစ်ပျက်ခဲ့သောကိစ္စကို DAB ခေါင်းဆောင်များမှ
ပြန်လည်သုံးသပ်ပေးပါရန် ကျနော်တို့  မှ တောင်းဆိုလိုက်ပါသည်။
လူ့ အခွင့်အရေးချိုးဖောက်သည့် မြန်မာစစ်အာဏာပိုင်များကို ကျနော်တို
့တွန်းလှန်တိုက်ပွဲဝင်ရာတွင် လူ့ အ ခွင့်အရေးဆိုသောစကားလုံးသည်
စကားလုံးသက်သက်မျှမဟုတ်ပဲ လူမျိုးမရွေး၊ ဒေသမရွေး လက်တွေ့ 
ကျင့်သုံးရမည်ဟု ကျနော်တို့ မှယုံကြည်ပါသည်။
သို့ ကြောင့် ကျောင်းသားတပ်မတော်အတွင်း ပိုမိုမြင့်မားသော ဗဟိုတရားရုံး၏
ခွင့်ပြုချက်နှင့် သိနားလည် မှုမပါပဲ တပ်ဖွဲ့ ဝင်အမြောက်အများကို
သူလျှိုဟုစွပ်စွဲပြီး အလျင်စလိုသတ်ဖြတ်အရေးယူခြင်းအပေါ် ကျနော် တို့ 
(မိုးသီးဇွန်) ဦးဆောင်သော ကျောင်းသားတပ်မတော်အဖွဲ့ မှ
အထူးသံသယဖြစ်မိပါသည်။
ထို့ ကြောင့်ဖြစ်ပျက်ခဲ့သောကိစ္စများကို သွေးရိုးသားရိုး ပုံမှန်မဟုတ်ဟု
ကျနော်တို့ မှ ထင်မြင်ဖြစ်သည်။ အလားတူပင် ယုံကြည်အားထားလောက်သည့်
ခိုင်မာသောအထောက်အထားမရှိပဲ သူလျှိုဟုစွပ်စွဲခံရသော
ရဲဘော်များအားကွပ်မျက်သည်အထိ လုပ်ဆောင်မှုများအားလုံးတွင်
အမှားပေါင်းများစွာ ပါဝင်နေသည်။
အထက်မြန်မာပြည်ဒီမိုကရေစီရေးလှုပ်ရှားမှုတွင် အလွန်ထင်ရှားသော
ကျောင်းသားခေါင်းဆောင် ကိုထွန်း အောင်ကျော်အား စွပ်စွဲခံရသော သူများ၏
သူလျှိုခေါင်းဆောင်ဟုသတ်မှတ်ခဲ့ခြင်းသည် ကြီးမား သောအမှားတခုဖြစ်သည်။
စစ်အာဏာရှင်အကြိုက်ဖြစ်မည့် မိမိကျောင်းသားတပ်မတော်အဖွဲ့ ဝင်အချင်းချင်း
မညီညွတ်ရာမှ တဦးနှင့် တဦး သားကောင်ပြု အနိုင်ကျင့်ခြင်းကို
ဒီမိုကရေစီလိုလားသော ပြည်သူများနှင့် ကျောင်းသားတပ်မတော် အဖွဲ့ ဝင်အားလုံး
သတိကြီးစွာထားရန် မိမိတို့ မှတိုက်တွန်းလိုက်သည်။
နောက်ဆုံးအနေဖြင့်
မြန်မာပြည်ဒီမိုကရေစီလှုပ်ရှားမှုအရေးတော်ပုံကြီး၏ဂုဏ်သိက္ခာနှင့်အတူတကွ
ကျောင်း သားတပ်မတော်အဖွဲ့ ဝင်အားလုံး၏ ဂုဏ်သိက္ခာနှင့် ပုံရိပ်ကို
ကြီးမားသည့်အမဲစက်ဖြစ်စေခဲ့သည် ကိစ္စအ အပေါ်တွင် ကျနော်တို့ ဖက်မှ
အထူးစိုးရိမ်မိကြောင်း ပြောကြားရင်း ယခုသဘောထားထုတ်ပြန်ချက်ကို
ထုတ်ပြန်ပါသည်။
(Moe Thee Zun)
ဥက္ကဌ
ALL BURMA STUDENT'S DEMOCRATIC FRONT
မာနယ်ပလောရုံးချုပ်
Ph: 662 318 0593 fax 662 318 8697 PO BOX 42 Hua mark, P.O.BKK 10243, Thailand
http://www.scribd.com/doc/79633042/ABSDF-Statement-1992-March မှ ကူးပါတယ်။
------------------------------------------------------
မြောက်ပိုင်းဒေသမှ အရိုးတွန်သံများ ( အပိုင်း-၁၁-) (အောင်မိုးဝင်း) feb29,12 
(၃)
